#NSS愛情
[GUEST] （長文）
我清楚自己發生咩事，不過我好討厭咁樣嘅自己。
我已經識咗你大概4年左右，人話日久生情可能係真嘅，一開始明明唔係太在意你，不過就越嚟越中意你。我哋每日都會傾電話，個陣真係好開心，嗰段時間係無可取代嘅幸福。不過唔知幾時我開始想見到你個樣，想聽住你把聲，想觸碰你。回過神嚟，我發現自己已經迷戀上你。之後傾電話個陣都冇之前咁自然，不過你冇察覺到異樣，你同之前一樣會打電話過嚟吹水，講下今日發生咩事，但係我都樂在其中。
喺我發現自己中意咗你之後嘅兩個月，我鼓起勇氣，send咗條message 同你告白，你收到之後覆返我，話其實你都猶豫緊應唔應該講出嚟，不過知道我有同樣心意之後就放心，並接受咗我嘅告白。見到之後嗰一下，唔知點解我feel到嘅唔係開心，我開始覺得好噁心，真係好想嘔，我對你嘅好感開始被厭惡覆蓋。我當然唔會突然話「算把啦都係唔好一齊喇」我唔想佢覺得唔開心，回應返佢之後就求其搵個藉口下線。之後我覺得自己好賤，我應該係世界上最低下女仔掛。之後你打過嚟個陣我都會hea下答你，你問咩事我就會話唔舒服，你聽到之後關心我，擔心我，但係個陣我完全feel唔到開心嘅感覺，淨係好反感。事後回憶反又會覺得自己好pk，然後喊足成日。
之後你約我出嚟我都盡量會出，不過途中要扮享受都幾辛苦，我返到屋企之後我上網搵吓有冇人同我一樣會好似上述咁樣出現同對方告白，對方回應你嘅感情之後就會覺得噁心嘅呢啲情況，發現原來係一種叫性單戀嘅嘢。我覺得好驚，如果我係性單戀我呢一世係咪唔可以戀愛，我係咪注定要一個人過一生，諗下諗下我又喊多一次。
我應唔應該話俾佢聽我係性單戀，定係我淨係一個玩弄其他人感情嘅人渣。佢知道我係性單戀者之後會唔會討厭返我之後同我分手？定係我應該主動提分手，我會唔會分開之後比較輕鬆。
（sor for 1999）
圖Link: