#NSS個人
[Guest] 本人係一位普通中五學生，卻有著異於凡人經歷，投稿純粹希望大家明白生存嘅意義，亦希望你地珍惜身邊人。
我嘅人生可以用兩個字黎形容，坎坷。幼稚園嘅時候，我曾經比幼稚園同學打到爆缸，無聽錯，係幼稚園，當時嘅我懦弱無能，連一句話都唔敢講，就更加唔洗諗還手，我當時唔敢喊唔敢出聲，望住人地調侃，嘲笑，我卻只能忍。
去到小學，因我係一個插班生，我比人排斥，丟我本書落樓，比人打，言語辱罵已經係家常便飯，最可怕嘅係連老師都唔會嘗試幫我攞回公道，我一生最怕嘅就係比人屈，但卻無人能夠聽我訴苦。
去到中學，我變得越來越健碩，亦都開始扮惡扮堅強，以弱肉強食作為人生圭臬，希望大家望到我時會感覺到恐懼，當時我就似惡霸，喺學校打橫走，人地見到我都避開三尺，其實我個心係好難受，但為左唔再比人蝦，我只可以咁做。
上到高中，我終於有啲朋友，應該話係玩友，雖然生活開始變得豐富，但其實我內心係超級空虛，心結一直鬱在心，無法釋懷。
直到今時今日，我連一個肯聽我訴苦嘅人都無，我努力追夢，努力生存，但人地只會當笑話，一個支持我嘅人都無。
今次開post唔係話要你地同情，只係希望大家珍惜身邊嘅知己，唔係每個人都可以開開心心地生存，尤其係我呢個負面嘅人，只能不斷掙扎，直到死亡。
[Admin C] 24小時求助熱線︰
香港撒瑪利亞防止自殺會熱線︰23892222
撒瑪利亞會熱線(多種語言)︰28960000
生命熱線︰23820000
東華三院芷若園熱線︰18281
社會福利署熱線︰23432255
醫院管理局精神健康專線(24小時精神健康熱線諮詢服務)：24667350
明愛向晴熱線：18288