#NSS其他
[GUEST] 長文⚠️
有關自救，懶得睇可以直接睇最後嗰幾段
糾結咗一下要唔要寫出嚟，最後諗下都係寫啦，如果大家可以留意一下點樣自救都係好嘅。
是咁的，琴晚我差啲就同呢個世界永別，非自願嘅嗰種。
係唔到一分鐘嘅時間入面，身體深刻咁樣記住咗咩叫做 一腳踩入鬼門關。
起因都好簡單，屋企人出晒街，我一個人喺屋企，求其整咗個晚飯，煮咗碗嗰啲重慶麵之類嘅嘢嚟食。
眾所周知重慶麵嘅靈魂係嗰包辣油，入面全部係芝麻嘅嗰種。
食完麵，我坐係度望住碗味精湯，心理鬥爭咗兩分鐘，最後忍唔住誘惑，飲咗一大啖…跟住就“濁”親，係度咳唔停。
咳，好常見，多咳幾下，將“啃”入去嘅湯咳出嚟就得。
一開始我就係咁諗嘅，然後可怕嘅事情嚟啦，大概咳咗四五下之後，我發現呼吸開始困難，準確啲咁講係吸氣困難。
氣可以順暢咁呼出去，但係再用力，入嚟嘅氣越嚟越少，冇異物感，但係就係吸唔到氣。
我即刻企起身用力呼吸，自己都聽到喉嚨，或者話係鎖骨下方嗰個位置，發出特別響嘅啲聲，真係類似“破風箱被人用力拉扯嘅牛吼聲”。
但係都係冇用，呼吸依舊困難，我衝入去廁所，企係塊鏡前面用力向上錘自己個胸腹(呢度應該係操作失誤，後面我再講)，冇用，而且可以見到鏡入面嘅我自己塊面紅晒。
然後我直接轉身跪落去，抱住個馬桶，開始拼命咁樣用手“摳”喉嚨，催吐。
最開始嗰幾秒特別難受，右手伸喺喉嚨入面係咁“摳”，左手不自覺咁樣“揪”住自己鎖骨上方位置嘅皮肉向外扯。
唔誇張咁講，嗰陣時條頸完全感受唔到痛，事後見到自己條頸上面都係被自己抓出嚟嘅血印，扁桃體都被指甲“摳”到好痛(呢個故事教訓我哋要定期剪指甲，我已經兩個月冇剪orz)，不過好彩條命係返咗嚟。
(呢度可能有啲嘔心 自行迴避)第一口嘔出嚟嘅唔係胃入面嘅嘢，而係，我唔知點樣形容，空氣泡？反正自己可以感受到嘅係接連兩三個非常大嘅空氣泡係喉嚨入面噴出嚟，即刻就感受到可以吸到啲空氣。
唔知點解當時我就好確定自己呢條命係執返返嚟。
後面就繼續“摳”喉嚨繼續狂嘔，隔咗一陣，又嘔出嚟一串空氣泡，呢個時候差唔多已經可以正常呼吸。
我扶住馬桶企起身，仲可以冷靜咁樣沖水，再扶住洗手池企起身，開水龍頭，洗手洗臉，又癱咗落去，直接趴係廁所嘅地板上面喘氣。
呢個時候先感覺到全身發軟，手腳都冇力氣。成身都係冷汗，連頭髮都濕晒，都唔理廁所個地板凍唔凍濕唔濕。
又過咗陣，稍微緩過嚟，先慢慢爬去客廳梳化上面癱係度。
成個人有種死裏逃生嘅欣喜感(?)其實係郁得，但係就係一啲都唔想郁。
覺得好似過咗好耐(後嚟一對時間最多都隔咗五分鐘)，聽到外面有開門聲，屋企人返嚟啦。
一入嚟係走廊(應該叫玄關)一邊傾偈一邊消毒一邊除鞋，入到客廳見到我，見到我條頸上嘅血痕仲以為遇到入屋搶劫，我有氣冇力咁擺咗下手，叫佢哋安靜啲冷靜啲。
身上完全恢復，大概係喺兩三個鐘之後。
窒息，或者係瀕臨窒息真係太痛苦嘅一件事，比任何疼痛都要痛苦。
終於能夠理解魚離開水點解會係咁跳，到咗嗰個時候真係要用盡全身嘅力氣，拼命掙扎都想要再吸一口氣。
好啦，以上就係全過程。
事後同朋友係度覆盤呢件事，得出一個非常重要嘅結論——海姆立克急救法嘅重要性！
我一直都知道海姆立克急救法，睇片睇文字都學過，甚至仲拎人試過。
但係！我一直留意嘅都係點樣對別人使用！就係看片都係跳過咗自救部分！
我一直好自信自己作為一個年輕人，日常又唔鍾意食啫喱之類一pat嘢嘅食物，係唔會出現啃親嘅情況，學海姆立克為嘅係屋企人出事。
然而現實教做人。
琴日呢個情況我朋友話用張椅背撞胸腹先係自救模式，但係我嘅知識儲備入面完全冇呢一條，淨係諗到自己錘自己！
如果唔係攬住馬桶嘅姿勢可能微妙咁樣頂住咗胸腹嗰個位置，加上催吐(呢個係自己猜測)，可能呢一分鐘唔夠嘅時間入面就真係瓜老襯。
所以我將自己呢件事寫出嚟主要係想同大家講——海姆立克急救法要學要學要學！自救部分唔好skip唔好skip唔好skip！
圖Link: