#NSS家庭
[GUEST] 長文慎入
我阿媽有病，佢成日發脾氣。全家人都比佢鬧過哂，最憎係我。佢由小學鬧到我依家高中都未停過，最叻講舊事，話我細個點點點（細個買雪糕比我，我冇講多謝…細個蹦蹦跳跳周圍走唔聽佢講野，搞到依家都唔聽佢講嘢）講到依家仲鬧緊。
我同佢講好唔開心，佢就話「呢啲嘢留返比同學講得㗎啦，唔駛同我講」，我自己得閒唱歌佢又話好難聽（所以我依家唔敢喺佢面前唱）。其他人叫我唔好理佢，但我自己控制唔到一直聽佢鬧我，次次搞到我好難過，我唔想麻煩人，唔想比太多人知道。佢開口埋口叫我死，又或者佢好憎我，後悔生左我，我好嬲又好傷心，因為我嬲係覺得點解佢身為阿媽可以咁叫佢嘅仔女自殺，但我知道自殺冇用，幾傷心都係偷偷喊完就算，而且我第二日好快唔記得。我好驚自己會因為佢有抑鬱症，我唔想佢帶負能量給我，但係佢自己就從來都唔care我會覺得點，有咩事鬧左我先算。佢話過，我係屋企唔需要比任何意見，你有咩唔開心，開心唔需要講佢講。全家人都叫我比佢發洩，但係次次鬧人都係永無止境，鬧完之後都係咁。佢地最叻就叫我忍，有冇諗過我有一日可能會忍唔到？
應該冇人幫到我，我只係純粹想發洩，就算社工都冇可能叫到佢唔再鬧人，最多都係叫我同佢地傾訴，但係真係冇乜用，我唔想再勞煩其他人。🙏🏻
Sor for 1999
圖Link: