#NSS社會
[Guest] #長文
呢排女神降臨好hit，相信好多人都有睇到，小妹睇完後有啲嘢想同各位分享吓
好多人都focus咗喺車銀優黃仁燁嘅靚仔樣到(雖然佢哋真係好靚仔)，但個人認為呢套劇有更加深嘅意義
第一，世廷自殺案：世廷自殺係因為流言同被網上欺凌，而佢因為頂唔順呢啲壓力而選擇了結自己嘅生命。你可以話佢好懦弱，但諗深一層，係網上輿論帶嚟嘅壓力太大，留言者係匿名嘅，佢哋唔會知佢哋帶嚟嘅傷害係幾大，所以我哋喺網上嘅留言看似微不足道，但可能某人卻會對佢好在意，因此請各位留言前三思！
第二，朱靜被校園欺凌：朱靜因為佢醜而被同學蝦，佢又唔識反抗，因此佢過得好痛苦，想化妝去令自己變得靚。雖然佢喺新學校做咗女神，但佢每日都活喺恐懼之中，怕被人發現佢原本嘅面貌。其實佢化妝變靚只係因為社會對外在美嘅注重，可能你會話係韓國嚴重啲，但事實上好多地方都係咁，靚嘅咪對你好，醜嘅就行埋一邊啦。但係醜同靚嘅定義係邊？呢套劇嘅英文名True Beauty都講咗出嚟，我哋要注重嘅係內在美而非外在美。希望各位以後可以唔好以貌取人。
以上都只係小妹睇完女神降臨嘅個人感想，不喜勿插，希望各位之後睇劇都可以學到嘢
最後祝各位新年快樂，身體健康，加油！
#sorfor1999
圖Link: