#NSS家庭
[元朗某間中學] 屌 我真係受夠左呢個屋企 事關我啊爸琴日鬧我媽 仲dum野係我媽身上 我企係房門口睇到成身都震曬 講翻d背景 我媽係家庭主婦 我爸公務員 我媽比我爸點樣打 點樣鬧都覺得自己係錯先 覺得啊爸除左「有d」過分之外咩問題都冇 過程如果唔係我攔住我老豆可能佢已經郁手打人 由細到大我見過我啊爸打過我媽兩次 平時佢就中意惡我同啊媽 鬧交嗰陣就成日扯埋我 話我呢樣唔好嗰樣唔好 人地嚴父係刀子嘴豆腐心 佢都係刀子嘴豆腐心冇錯 不過係臭豆腐咁解 直覺覺得佢內心都認為我係蠢 不過我都費事理佢個心點諗 小女講讀嘅學校勁過人 講成績都唔差 再講埋語言表達 咁我唔知 你地睇我寫嘅篇文斷定喇 講翻正題 我係唔想理佢內心點諗 但最緊要嘅係我啊媽就好著緊 驚死因為佢覺得我蠢就搞到我地母女生活坎坷咁 咁我都唔想理我啊媽 我驚越講越嬲就好似我啊爸咁惡啊媽 我宜家只係想講:我今年14 佢識左我14年 佢都好似唔撚了解我咁 最簡單連我中意食d咩 鞋碼係幾多都唔撚知 我啊媽又真係佢講乜叉都信撚曬
我媽成日話因為佢壓力大 就黎退休先會咁惡 我要體諒佢 屌佢退休每個月有2萬 就算扣水電加所有唔知乜叉費我就唔信佢會冇錢淨 我媽可以出黎搵野做 我讀完中三都可以做暑期工幫補下家用 呢篇文我會叫佢睇 到時要鬧要打是但佢 個個都有壓力 我想話佢聽:你係咪都好憎去街市買餸啊？我都好唔中意啊 但你知唔知啊媽成日都會去完一個街市去另一個街市買 有時仲要去埋超市買餸 知唔知點解？因為想慳錢買平d囉 你淨係覺得自己收工返屋企 就係大爺 自己好辛苦 吸下塵就覺得我同我啊媽就需要感恩戴德 當正自己係皇帝 唔該你冇心都用對眼睇下ok?
小女平時就唔講粗口 絕對稱得上係淑女 今日呢篇文已經用左我畢生最粗魯嘅字眼去寫 如果你覺得我寫得唔好就唔該你碌走唔好睇 寫篇文有三個目的 第一希望我老豆可以適時反省自己 如果仲係死性不改 我都冇計 第二希望有d作為父母都有我啊爸咁嘅情況 唔該都反省下自己 第三就係我自己想發洩下 otherwise真係唔知仲要喊幾耐
圖Link: