#NSS家庭
[GUEST] admin plz po ig thxx🙏🏻 長文慎入!!!
(圖文不符 因為好撚燥底所以攞張靚圖嚟降下火
我老豆真好唔負責任。早前我阿媽發現咗佢出面有女人,仲要係一次嚟兩個,一個係sp關係,一個係自己同事個女(ps.佢成年,讀緊大學,廿靚歲左右,仲要係我阿妹個補習老師）
一開始我老母同我講個時,我都唔信,完全估唔到我老豆會出軌,更何況佢又啤酒肚又陀背又冇錢,都四十幾張近五十歲,完全估唔到會有後生女會鍾意佢,但係之後唔到我唔信,我阿媽畀曬證據我睇,嗰下我都好錯愕,估唔到我阿爸會成為咗,佢喺細個嗰時同我講嘅嗰啲賤男。
之後我阿媽去質問佢,佢不停咁逃避講呢個話題,每一次講起佢就喺度發脾氣。最後佢兩個都係認真咁坐低傾咗一次,結果係佢一直係咁否認自己出面有女人呢個事實。傾完之後佢就提出話要搬出呢個屋企,佢就懶深情咁同我同埋我阿妹講話：而家daddy唔係唔愛你哋,唔係拋棄你哋,只係覺得同你媽咪相處唔到落去,一齊咁生活都好辛苦,所以就暫時搬出呢個屋企先。
認真我覺得佢可以去提名奧斯卡攞影帝囉！咁樣叫冇揼低我哋呀,又話暫時？！佢搬咗出去足足三個月,平均每兩個星期返嚟睇我哋一次,之後未試過喺Christmas嗰晚留低瞓咗一晚囉,佢仲要同佢自己屋企人嗰邊講話：我搬走咗之後,佢哋全部都好開心,唔需要我留係呢度。 我想講呢,一個正常人眼見自己家庭破裂都唔會覺得好開心啩？佢完全唔知道佢走咗之後,我自己身體出現問題,我阿妹情緒有問題我媽都係。我仲好記得嗰一次,我入急症,如果唔係醫生話有可能需要住院,佢都唔會過嚟啦。
同埋佢嗰邊嗰啲屋企人呀！全部奇奇怪怪咁樣㗎,我阿媽上去同我老豆個老母傾,佢話：佢唔會有女人㗎,如果佢肯返嚟,你原諒佢,你要同佢一齊生活,唔可以離婚。我有啲想問究竟其實出軌係咪有遺傳㗎？！我阿嫲嗰邊嗰啲男人差唔多全部都有出軌！ 跟住其他嗰啲親戚冷血架,因為未離婚,所年初一嗰日上去拜年,所有人都好似對我阿媽視若無睹咁,仲要我哋上到去好似好錯愕,咁完全估唔到我哋會上嚟,同輩嗰啲就係咁避開我哋,同我哋講嘢嗰啲語氣仲要好差。佢哋個個都麻木咁相信我老豆係冇女人冇出軌。笑咗,證據都擺曬出嚟佢哋都係唔信。
其實我由細到大都覺得佢唔識做人老豆,一家人食飯嗰時,又會講埋啲黃色笑話,同佢相處似frd多過老豆,完全冇做老豆嘅威嚴,佢一直覺得自己唔嫖唔賭唔吹,就係絕世好男人,廿四孝老豆咁,但係其實呢啲唔係做一個正常男人嘅基本條件咩?
sorry for 1999🙇🏻♀️有錯字勿插🙇🏻♀️
圖Link: https://pin.it/3Ki4PdH