#NSS社會
[GUEST] 今次係小妹第一次投稿 請各位多多包涵🙇🏻♀️
件事就係咁嘅 佢係我best friend 我哋今年F4
我哋讀緊嘅學校唔算名校 但係校風樸素 校內風氣都唔錯 唔覺有壞學生
由上年未停課嗰陣開始 我留意到佢日日都有新文具 仲要係唔平嗰啲 仲有啲限量版 身邊啲同學都羨慕佢
但佢平時都算慳家 唔會亂洗錢 突然出現咁嘅現象 好反常 於是喺我好奇心驅使下 我問佢發生咩事 成日買文具 佢話冇嘢 鍾意咪買囉 件事就咁告一段落⋯
到某一日嘅夜晚 佢喊住打比我 話自己做左錯事 我即刻問佢事情嘅來龍去脈 佢話佢喺一間文具舖度偷左嘢 因為係返屋企必經之路 出街每日都會路過 每次都會入去望下 由F1開始就有呢個習慣(我都嚇親）幾乎每次去都會有「戰利品」 平均每次都$60-70 甚至$100-200 極為誇張 我勸佢不如同店主認錯啦 佢話唔好 唔想坐監 經過一番協調後 佢應承我唔再偷嘢
直到今年10月 我發現佢又重蹈覆轍⋯ 仲發現左佢好似有心理病 我打算再勸佢 但佢竟然向我炫耀佢嘅「戰利品」同英勇事蹟 好似變左另一個人咁 極為荒謬 見住自己best friend變成咁 好心痛 但又冇可能見死不救 至今我仍未搵到解決辦法⋯ 唔想睇住佢坐監所以只好投稿
題外話：其實由細到大 不論學校老師定係屋企人都灌輸緊一啲正確嘅觀念比我哋 但點解仲會有人明知故犯？ 我覺得可能係價值觀 社會氛圍 或者心理問題
希望呢啲事唔好再發生 更唔好成為社會風氣
對唔住 我講得比較混亂 大家當無釐頭故仔聽下就算
#sorfor1999