#NSS學校
[GUEST] 小妹今年中三就要選科，咁我哋考試嘅時候就係喺二月頭，學校淨係畀中四至到中六輪流返學校考試，就叫我哋一路開住google meet，一支cam對住份卷，一支cam就影住個人，喺限時之內到考。但係如果有啲人有困難嘅話，只係需要由家長寫信去學校，佢就可以唔開cam，變咗咁樣真係好唔公平囉，咁樣嘅話有啲人就可以作弊。我全程都乖乖哋開住兩支cam喺度做卷，但其實個google meet入面都有五份三嘅人冇開cam。考完之後上返學校個secret page度睇見到都有啲同學(唔知係邊個)佢話有補習老師幫佢哋做。
其實中三揀科真係好大件事，但唔知點解學校考試個制度可以咁兒戲，呢個仲要係計50%。我都明白二月頭嘅時候疫情係嚴重，但你可以推遲到復課後先至考㗎嘛， 仲要係網上考呢個決定係喺考試前五日先至出通告話畀我哋聽。
本身學校都有講過中一中二級就無論如何都係復課後考，結果佢哋就會喺2月22號一齊返學校考。我哋中三就因為已經考咗試，就唔使再返學校，而家學校係開上午校，每一日總共可以畀四級返學，於是我哋學校就話我哋中三嘅同學就要喺教育局宣布全面復課嘅時候先至可以返，其餘中一、中二、中四、中五就係日日返，但其實我哋中三要讀好多科真係好辛苦，加上而家係好容易分心，同埋中三揀科真係影響好大，已經有好多同學同埋家長向學校反映呢件事，但係學校只係話叫我哋耐心等候教育局宣布全面復課，真係好嬲囉