#NSS學校
[GUEST] [致此專頁的admin和所有讀者]
尋日有一個post問乜唔係只有名校生先有權follow，雖然問得唔好，好似有啲諷刺意味，但相信係唔少讀者近來都好想問嘅問題。然而admin竟然自以為得意咁係comment度話自己兩日前改咗名，配合住一堆例如「讀名校大撚哂」之類嘅神奇comments。可能你唔知道呢度係邊度，呢度原先係叫「新名校secrets」…
嗱我想講呢度係2018年反紅資獨裁舊名校secrets而成立嘅，大部分讀者都係由嗰邊過檔嚟，大家都expect呢度睇到嘅野係同以往嘅名校secrets差唔多，甚至因為admin們話反篩選而更為開放。小弟page中名校畢業生，或者話舊名校secrets嘅page中名校，成日都有同同校或者其他名校嘅學生講起呢個page，大家都同小弟意見差唔多，就係宜家呢個page低質咗好多同埋掛羊頭賣狗肉。可能宜家多咗好多新followers，好多比較年輕嘅師弟妹們，唔清楚舊secrets嘅歷史。當年嘅名校secrets係比名校學生分享佢地學校嘅趣事，例如老師花名同八卦、名校嘅一啲傳統或者搞笑野、page中名校嘅學生分享返學趣事。輝煌時期嘅名校secrets一個po係會有幾千甚至過萬like，留言都有幾百則。由於當時冇每間學校自己嘅secrets page，大家都喺係名校secrets出po圍爐，好多時啲po都好無聊，可能一個講自己學校有個肥仔坐爆凳都可以好熱烈咁討論，但大家都睇得好開心好過癮。當然，後來就揭發名校secrets係由紅資御學軒操控云云，舊secrets嘅學生們就過咗嚟支持新名校secrets。
宜家嘅新名校secrets，同名為「名校secrets」，亦係靠名校secrets嘅概念同名校生們嘅支持起家，我又唔會話admin們係食碗面反碗底，但至少冇尊重過呢個page嘅名校生。宜家你只要一講名校嘢就會比人屌，真係可能只係講句「我讀band 1」或者打個校名[DGS]、[SPCC]咁，然後就會有幾十個comment全部都係「知你band1/邊間名校啦」、「冇人想知」、「好威咩」之類嘅嘲諷，甚至有啲再極品啲嘅「名校個個都係狀元？」、「band1大撚哂」、「Quit囉，翻自己學校secrets囉」呢啲神邏輯嘅膠論，已經唔評論啲comment合唔合理、mean唔mean，直至兩日前呢度都仲係名校secrets，講名校野有乜撚野問題？好似前排SPC vs LSC咁，甚至有人comment話唔想知啲名校野叫admin篩走相關嘅投稿。犀利，名校secrets唔準post名校野？如果你唔想睇，係咪應該你quit呢？唔好comment，unfollow。你入男廁，但話唔想見到男人屙尿，叫人唔好比男人再入嚟屙，係咪好好笑？咁你叫啲人去邊度屙尿？名校生唔係人？唔可以出po傾計講笑訴苦？呢度本來就係比名校生圍爐嘅專頁，你唔想睇，你可以離開，唔係剝奪人地出po嘅權利同自由。
然後又有邏輯鬼才喺度爭取band2 band3權益，就話啲人恃住自己band 1唔尊重其他學生，仲話咩band 1只係識讀書而已之類嘅說話。嗱我唔係批評band2 band3學生，我絕對冇咁嘅意思，正如某啲人話對band 1學生嘅批評都唔係批評一樣(不過我預咗comment有人照屈我係，冇所謂，敖卓軒都可以屈到陶傑係白人至上主義者)。小弟重申一次啦呢度原先係叫名校secrets，聚集名校生，講名校野，合理不過。當然小弟同唔少持相同意見嘅朋友都歡迎非名校學生comment同出po，我地都好有興趣知多啲唔同學校嘅趣事同學生嘅諗法，但唔係直頭騎劫咗成個secrets，變成香港學校討論區，仲排擠呢到嘅一眾原會員。再講，點解講名校野就係歧視band 2 band 3學生？你會唔會話律師公會同醫務委員會係歧視啲做唔到醫生律師嘅人？係咪先？你會唔會去HKU secrets、CUHK secrets屌啲人係歧視讀唔到大學嘅學生？「HKU好威咩」、「問咩大學野知你讀中大啦！」成件事都唔合理！成班就好似小粉紅咁，郁啲就玻璃心，話人辱band23，但就終日喺「名校secrets」流連？
所以小弟好贊成admin們改名，請唔好再用「名校secrets」一名招搖撞騙，呃啲名校生嚟出po同follow然後比人侮辱，同大家講清楚呢度唔歡迎名校生，唔歡迎討論名校嘢，就算大家當日咁支持我地自立門戶，食咗「名校secrets」塊大餅，一直忍受呢度種種不公平對待都好，Sorry，名校生請過主！👍👍👍