???????????

#NSS學校

[???????????] 想講嘅係，就算幾唔鍾意一個人都好想唔好攻擊人地嘅樣貌身材，可能你淨係諗住講下笑但係聽嗰個人真係：）
仲記得啱啱中二開學冇耐嗰陣上堂老師分組嘅時候，被分到同我一組嗰個人一坐低就當住所有人面大大聲咁講「老師，你分組都分好啲呀，分到同個咁樣樣嘅同我一組」嗰下真係唔知比乜反應好，老師唔理又有啲同學係度起哄而且冇人幫，其實聽到嗰下好鬼死想喊但係喊出黎大家都尷尬，又會搞到上唔到堂，除咗笑笑口扮冇嘢我都唔知可以點：）
返到屋企之後喊咗好鬼耐㗎心諗我同佢三唔識七嘢都冇講過一句點解要咁講我，後尾因為咁我內向咗好多完全唔夠膽去同除咗好friend嗰幾個以外嘅人講嘢。件事過咗兩年幾但係直至呢刻我寫緊呢段嘢諗返起都仲係好鬼hurt，雖然唔知點解佢要咁做，可能真係諗住冇惡意講下笑咁我唔知啦下，但係如果講笑而hurt到人嘅話又可唔可以話係講笑呢
件事就唔講咁仔細反正唔係重點而且仲係讀緊同一間學校，但係真係唔好再攞人哋嘅樣或者其他野黎笑啦好嘛：）真係好hurt對人好大影響㗎，曾經比人咁樣講過嘅希望你哋已經冇嘢，如果唔開心嘅就搵人傾下囉唔好好似我嗰時咁：）而有咁樣笑過其他人嘅人就算件事過咗幾耐都好啦，搵返嗰個人黎道歉啦，message 又好點都好，唔洗擔心人哋會憎你(雖然人哋憎你都正常mean啲講句抵你死啦) 大部份人聽到呢啲嘢通常都係自卑行先所以簡單一句對唔住至少可以令佢好返少少：）
係咁多啦寫寫下變咗訴苦post feel：/ 希望冇1999我啲表達能力唔係好掂sor