#NSS個人
[GUEST] 小妹今年14，有兩個問題想問下大家。
1) 話說我已經芭蕾舞跳咗八年，但係嚟嚟去去都係跳考試舞，一年考一次試，一次淨係需要跳一隻舞。但其實我想學多啲唔同嘅舞步同舞種，我鍾意跳一啲比較型少少嘅，例如jazz Kpop等等。
我而家跟緊嘅跳舞老師係一個 專門教兒童嘅老師，我係佢教緊年紀最大嘅一班，我哋係小組咁上堂嘅，但通常每一堂都係係咁跳嗰隻舞，我都覺得有少少悶。
我都同個我阿媽咁我唔想再跳芭蕾舞，但係我阿媽話跳芭蕾舞跳咗咁耐，咁樣放棄會好唔抵，我有時都會自己喺屋企跳下一啲唔同嘅舞步，但本身我自學能力就唔係好強，所以我真係想搵番個老師教我跳舞。
2) 另外其實我都好想做一個專業舞蹈員，但我唔敢同阿媽講，佢一直都想我入港大，佢亦都對我有好大期望，一直好用心咁樣培養我。但其實我想入演藝學院，但係又唔想令到佢失望。
有冇人可以教下我點樣做？