#NSS愛情
[GUEST] 話說呢個疫情令到我成日屈喺屋企，於是我打多咗機。
我係game度遇到個好勁嘅人，我就add咗佢frd諗住以後一齊挽。有日同佢挽嗰陣，佢邀另一個人入嚟。喺對話欄打廣東話，我先知佢係香港人，我哋交換電話方便以後打機。
佢個game character係男嘅，所以我一直以嚟都以為佢同我一樣，都係男嘅。點知我一接通電話就聽到女聲，我先知佢原來係女嘅。
總之我哋之後熟咗好多，但我哋傾嘅嘢都係圍繞隻game。然後佢就話約我出嚟打機，咁我哋就約喺間餐廳諗住邊食lunch邊打。
我承認啦，我見到佢嗰陣有啲怯，因為我冇諗過佢咁靚女。我坐低後我哋好尷尬冇嘢講，其實應該話我一個尷尬，佢拎起部電話就入game。跟住我哋一路打機一路傾氣氛就活躍啲，食完飯就走咗。
我哋約咗出嚟唔止一次，去到宜家有八次。本來係佢約我，之後我開始約番佢。然後我每次約佢出嚟都會喺我衣櫃入面攞啲靚啲嘅衫褲著，著鞋我就冇著嗰對黃晒嘅波鞋，著返對新淨啲嘅，仲要係廁所對塊鏡睇下我會唔會好樣衰。
我以前真係唔會咁做，亦都冇試過咁做，從來都係求其係櫃入邊執件嘢著，由啲頭髮飛起晒就出門口。所以我諗我應該對佢有啲好感。
跟住成日遲到嘅我仲要好準時甚至早咗到餐廳，望住出面窗口等佢過嚟，佢係窗外出現嗰陣我即刻又埋頭扮睇手機。我哋有次交換ig。我唔知搞乜碌佢個主頁碌到底，唔小心睇到入咗神like晒佢啲post，覺得自己好蠢好似stalker就係度自己尷尬，又經常留意佢有冇覆我message。所以我諗我應該鍾意咗佢。
我有諗過同佢表白。但係有時係game度望住我哋兩個男嘅characters，就覺得佢會唔會真係當我兄弟？
而且我睇返我哋啲對話紀錄，九成都係傾打機。我又諗，佢靚女打機又勁仲要讀band1a嘅學校，我只係個樣一般打機廢過佢讀band2嘅，完全同佢唔同level。
有冇人畀啲意見我，我要唔要同佢表白好？我驚佢淨係當我兄弟……唉
Sorry for 1999