#NSS學業
[GUEST] 有少長 慎入
大家好，小妹今年中三，有選科野問題想問下大家意見，其實大致上已經諗好揀咩科，就係Bio同Va，但係呢一排愈嚟愈懷疑自己究竟可唔可以讀得掂Va（但係其中一科一定會揀Bio）比返少少背景大家：
Va：自問由4歲去畫室學畫畫學到而家，每一個老師都讃我有天份，有好多諗法idea，但係衰在我係一個慢工出細貨嘅人嚟，畫一幅令自己滿意嘅油畫要8hrs以上，起稿要起到完美。同埋我係冇乜動力去畫畫，除非一旦開始左畫，我就會畫到唔記得哂時間，投入哂去畫。至於點解我會懷疑自己究竟讀唔讀得掂嘅原因係因為，見到啲師姐係dse畫嘅作品已經好靚，但係淨係得Level 3/4，我成日問自己我究竟係咪有足夠能力攞到Level 5甚至更高。
好啦，咁如果唔揀Va，我得返Phy可以揀，其他科一係就冇興趣冇能力(eg chem geo econ bafs)，一係就高分但0興趣（真係一啲興趣都冇甚至可以話憎，佢就係中史）
少少背景：我得返phy係高分，phy成績全級頭10，但係自問冇乜興趣。我知中三phy係簡單，拎高分唔係話咩難事，但係我驚高中phy 我會搞唔掂。
我數學唔係話好好，合格多少少咁
咁我應該揀Phy定Va好🥲希望各位可以比少少意見🙏