#NSS學校
[Band 3 中學] 我係來自一間band3嘅中六學生，大家可能覺得我哋唔係好讀書，但係我哋都有部份同學真係想喺DSE考好成績，但係學校嘅政策，真係搞到我哋唔知點算！
是咁的！相信中六嘅大家應該開始放study leave ，已經規劃好兩個月每日嘅溫書計劃，我都同大家一樣，規劃好每日應該做乜嘢。但係學校突然間出咗通告，強制所有中六同學study leave 期間每日都要返學補課，仲話會計上課出席率，如果出席率唔夠90%，學校就唔會比畢業證書我哋…
呢個通知真係一下子打亂晒我嘅讀書計劃，我明白band3學校有部份同學係需要學校老師嘅督促，但係我覺得抹煞有自己一套溫書方法嘅同學就有啲過分，我知道我可以向學校提出喺屋企自修，但係我更加清楚佢唔會容許我哋學生咁樣做，更加會攞畢業證書嚟威脅我哋⋯⋯所以我想問中六嘅同學你哋Study leave係咪同我哋一樣都係咁？同埋想請問出嚟全職或者part time工作嘅各位中學畢業證書有冇用？
Sorry for 1999