#NSS家庭
[Guest] 小妹今年14歲，係晚生子，我有兩個家姐，佢哋大我好多年，各自都有仔女，但我大家姐嘅屋企就散。。。
大家姐有2個小朋友，有次我唔小心聽到阿媽同二家姐嘅對話，原來大家姐係外面有咗第二個男人，聽到嗰一刻我真係呆咗， 二家姐好嬲，於是我直接行咗入去聽，事件大約就係，大家姐已經想同外面嘅男人一齊，野都搬好，我姐夫對我地屋企好好，佢好愛我家姐，其實可以話佢成個人生都比咗我家姐，佢冇返工，因為我家姐覺得d小朋友比佢湊，好過請工人，我姐夫太弱勢，家姐太強勢，我家姐嘅大女知道屋企發生咩事，但佢咩都冇講，佢怕阿妹傷心，佢得小4 ，佢阿妹小2，我唔明我家姐，佢話佢為個女著想，所以d女就算離婚，都係比返姐夫湊。(ps.姐夫知佢出軌
我阿媽同大家姐講:「阿女 你真係玩過火啦，你十幾歲我就話知你， 你有2個女 ，就算1夜情 我都算，你依家係離婚呀！你1個人玩唔好要你成家人陪葬，你返轉頭啦！你望下後面嘅人，唔好一味向前沖。」
但我大家姐只係一句「我大個女啦，我會搞掂所以野。」有時阿媽半夜喊，我都會諗，我家姐以前唔係d咁嘅人，佢好錫我，我3歲個陣，扭計要佢帶出街，佢同姐夫拍拖，我做電燈膽，佢都冇話煩(至少佢從來冇鬧/打我，仲成日買野比我)。
其實我一個14歲嘅阿妹可以做d咩，我真係好冇用，咩都做唔到，依家嘅佢甚至講佢唔係特登出軌，而係同外面嘅男人好自然咁一齊咗。我唔信我家姐係d咁嘅人，我好想叫佢放過佢兩個女。但其實我可以做d咩…
呢篇maybe算係一篇發洩文
Sorry for1999