#NSS家庭
[Hcy ] 我想問有冇人阿媽都係咁。。。（長文慎入）
小妹今年F.1
我屋企係單親家庭 每一次我過去我老竇度食飯（我係跟阿媽嘅）佢都鬧我同我講我老竇啲唔好嘅嘢。之後又同我講話「不過之前啲嘢我唔計較啦 始終都唔關你事」但係講呢句嘅時候我已經喊到出唔到聲。。。後尾我識越來越多friend但係嗰啲friend我阿媽唔識，之後佢無啦啦就話佢哋好MK。唔俾我再搵佢哋 就由嗰陣時開始就check我手機。。。之後我出街着裙着短褲上面件衫長 遮住咗 佢就鬧我話我好MK。我踢拖出街佢又話我MK。瞓喺度玩手機同人哋call 又話MK。我做乜嘢都話我MK。到後尾我拍拖 佢發現咗 （佢十分之反對我拍拖）佢即刻打俾個男仔屌鳩佢 個男仔驚得滯cut咗佢線 佢即刻鬧咗句「又係一個古惑仔」我當時就同佢嘈左起身 之後佢又話叫我分手 當然我冇理到佢 因為我好鍾意宜家呢個男朋友 佢仲要十分之雙面 喺人哋面前就扮都對我好有自由咁但係實質上佢成日都打我 打到我成身都瘀晒 搞到我依家有抑鬱要見精神科醫生。
我真係唔知我而家可以點。。。
我會認真睇晒你啲留言🙏🏿🙏🏿🙏🏿