#NSS學業
[港島區一間中學] 求admin post IG🙏🏻
小妹今年讀中二，以前喺中文小學成績一直都保持到全班前半，但係上左英文中學之後所有野變曬英文，直到依家中二都未適應到。成績自然暴跌，全部都係合格邊緣，尤其係數學科。數學我一直都係好一般，上咗中學之後數學成績更加係不堪入目。我阿爸係理科人，數學自然好好，見到自己個女數學成績咁樣，自然係不斷鬧。我唔想繼續比人喝，只好努力溫數學，背好晒啲單詞，儘量明白概念，狂刷題。但係之後幾個大考成績都提唔高。我阿爸不斷強調成績唔重要，最重要係過程，我一開始都信呢句話，但係我努力過後我阿爸淨係望住啲成績，唔合格就鬧鬧鬧，話我白痴無努力真係好失望如此類推。呢個情況已經發生過好多次，我慢慢覺得努力無用，但係唔努力又感覺自己好廢。我都知呢個諗法好矛盾，不過我真係唔知點算好。有無人可以教下我提高數學既方法…
Sor for 1999