#NSS家庭
[Klt Band1] 小妹今年15歳05年，有個妹讀小一。同媽、婆、妹一齊住，非單親但阿爸因其他原因唔一齊住。我同阿婆一間房，阿妹同阿媽都獨立自己一間房。阿妹由細到大都好中意入我間房搞亂或整爛晒我啲野或者據為己有。咁之前因為佢細個就唔理咁多，佢攞咗啲嘢之後，我就會自己攞返，冇理到咁多。但係依家逢親我買啲咩返嚟，唔係畫花佢就比佢整爛。升咗中學之後，功課多咗、啲書又多。咗咁溫完書，做完功課就冇心機去擺番好，同埋第二日又要用，咁搭埋一疊擺喺張枱度囉。第二日放學返到嚟望到。啲書唔係甩咗一頁，就俾人畫花晒。咁媽返嚟嗰晚咪同佢講囉。但阿媽竟然話我，係因為我唔應該將野擺張枱度而鬧我，張枱唔可以擺嘢嘅咩？而且但我個書櫃同張枱上面啲櫃已經擺滿晒啲書。咁我應該擺邊？因為我有最追開星，咁咪用自己啲零用去買Album或者週邊，有一日我返到嚟見到自己啲周邊公仔啲tag俾人剪爛晒。心真係好攰又好痛。次次俾人整爛晒啲嘢，都比阿媽話係我問題。但係真係咩？阿妹今年七歲，阿媽仲成日話佢唔懂事。叫我俾佢玩吓囉，就一陣就得但係就唔好成世。唔通我真係做錯咗咩，要將啲嘢收埋晒，咁間房就唔係我㗎啦。次次問佢間房係咪我嘅，阿媽就話而家都係我養你就唔好講咁多嘢啦。每一次返到房都好驚啲嘢會俾人摷出嚟俾人整爛。真心攰
P.S 阿妹同父同母100%親姐妹