#NSS學業
[Guest] 想問下有冇人依家係喺英國讀書？我喺英國讀公校，佢係要我哋自己讀書，有啲似大學嘅模式。唔知係咪因為喺香港比填鴨式嘅教育填到邊咗機械式，除咗背書我乜都唔識。依家突然間叫我做返正常人好唔習慣。其實我依家已經想返來，不過屋企人想我喺外國讀完大學先返香港，同埋佢哋嘥咗好多心機先送我過來，所以我唔想令佢哋失望。但係我真係覺得英國嘅讀書模式唔適合我，好想返香港讀大學，不過英國考返香港好似要全部拎A先得，但係我自己知自己事，一定冇可能有咁嘅成績，加上英國嘅大學太貴，我唔想比屋企人財政壓力。有冇人知道如果考返香港嘅大學有咩要求，又或者有咩方法讀書可以令我儘快適應大學嘅學習模式？