#NSS個人
[Guest ] 小妹有個朋友，識咗好耐，真係好friend。但係唔知點解，最近成日不自覺咁同佢比較。
家庭，佢有好好嘅屋企人、父母，而我屋企就日日家嘈屋閉。睇得出佢嘅父母有受過好好嘅教育，而我嘅父母只係中學畢業。佢屋企唔係真係好有錢，但係有好唔錯嘅經濟能力。相比之下，我嘅父母死做爛做都係搵得唔多。學業，佢好叻，我都好appreciate 佢，因為佢都好努力，但係我就好似吃力不討好。佢可能只係要擔心自己嘅事，但係我仲有好多屋企嘅問題要煩、處理。
所有野，我都好似差過佢，可能佢一出世就已經贏在起跑線，有教得佢好好嘅父母。我知道繼續比較落出都唔係辦法，但係我真係控制唔到自己。日日都好自卑，究竟可以點樣改善自己嘅心態或者諗法？