#NSS學校
[Guest] 大家好，小妹今年中一，有個問題想問吓大家，就係係咪一定要學中文輸入法？
是咁的，最近上Zoom發現好多時要通過聊天室講野，而因為小妹係用電腦上zoom，又唔識中文輸入法，所以好多時都係打英文，而大部分同學都用IPad或者識打字，得我一個用英文，老師見到就隨便講咗一句「最好要學定點樣打中文字，中學生捱好需要識打中文」
聽到之後我就覺得其實講得幾啱，尤其是宜家上zoom，或者之後做功課都會用到。
但係我平時用電話打字通常用語音輸入同埋手寫，暫時又未到話非常需要，但如果之後會成日用，我覺得我學定差唔多。但如果唔係非常重要，可能我就唔會專登學，因為啱啱升上中學學業有啲忙，所以想問吓各位覺得識打中文字係咪必要，如果係，大家又係幾時學同埋學邊種輸入法？
（非常唔好意思，本人表達能力比較差，所以篇文有啲長，語句亦好唔通順，但係已經檢查咗好多次希望唔會有錯字）