#NSS個人
[[Guest]] ［略長慎入］小妹已有5年半重度抑鬱，見到前幾個post講抑鬱症患者的辛酸，只想憑自己的經驗講啲野。
To 抑鬱症患者們：
你行到黎呢步已經比你想像中更加堅強啦，你已經做得好好，唔好再因為身邊果啲無知的人所講的三言兩語而難過。佢地既然唔了解，再費盡唇舌同佢解釋有乜用。佢地無知咪由佢無知LOL，你又唔使對佢地負責。反而，你要對你自己負責，所以要學識愛自己多一啲。
我知道呢句話聽起黎好廢，因為好多患者已經對所有野都喪失左知覺感覺，每日甚至除左悲傷之外同自我厭惡之外，就咩都覺得好麻木。嚴重者的大腦甚至會喪失對四肢下達命令的能力（親身經歷），記憶力衰退，明明知道自己睇緊字，就算係母語，都已經喪失理解文字的能力。記憶時間短過金魚，連日常文字組織、溝通都成問題。每日冇好過同唔好過之分，只有特別慘同冇咁特別慘之分。
但係我都係建議你地保持希望，對自己的生命保持希望，對療程保持希望。曾經在網上看到過一句話，「抑鬱症，熬得過是福，熬不過是禍」，我知道同你地講「加油」其實冇乜用，因為抑鬱症患者最討厭聽到嘅就係「加油」、「唔好覺得世界欠左你」呢類的廢話。我明白你地做乜野都會覺得好無力好，建議嘗試下每日做最少一次可以體現到自愛嘅事，敷個Mask，換個手機/電腦Wallpaper 都好，盡量令自己所在的環境每天都一點點新鮮。
唔開心的時候、抑鬱的時候，建議寫低落一本秘密的日記裡面，如果嫌麻煩打字都得，開個新的account，當係專屬自己的樹窿，有乜野想寫就寫落去，反正果度冇人懟你。日復一日，當你經過一段時間之後，再睇翻你寫的Journal，你就會發現，其實你也很強大，至少比你想象中更加強大。
最後想講嘅係，千祈唔好覺得自己的處境冇邊個邊個慘，自己就失去左覺得傷心壓力大的資格。Emote 係生物再也正常不過的自然表現，有負面情緒就去發洩，容許自己有呢啲負面情緒。只有接受自己的不完美，先可以真正行得翻出黎打低抑鬱症。盡量試下降低自己的標準，學會每天都感恩一些事，唔好對自己太苛刻。只要肯堅持肯保持希望肯自愛，總有一天會看到光的。
「黎明前的日出最為黑暗，但絕不要忘記，你所期望的星辰僅僅會在一片漆黑中閃閃發亮」——— 閔玧其