#NSS個人
[GUEST] 有冇人覺得自己咩都半桶水？
自己身邊嘅朋友同學
有人鋼琴小提琴演奏級
有人運動可以勁到外國比賽領獎(花式單車、劍擊……)
有人英文法文日文全部掂
等等等等
再望下自己，普普通通咩都冇。
成績普通唔係特別好唔係特別差，冇特別技能 學過下音樂，識打下籃球羽毛球乒乓波…又唔係特別勁，我知道嗰啲人要達到咁嘅成績一定經歷過好艱苦努力嘅時候。
但自己咩都好似半桶水咁，自己都嘗試過搵唔同嘢學，但總係好似爭緊啲嘢咁。學過嘅嘢都冇話特別大興趣亦都唔會討厭。未搵到一樣好大興趣可以堅持落去，但而家慢慢大個對比下身邊嘅人自己真係咩都半桶水，呢種感覺總係有少少不甘？我都唔知…
唔知有冇人都同我一樣，好想有啲嘢可以自己享受又可以做到成績出嚟，而唔係咩都半桶水…
Sorry for 1999