#NSS個人
[GUEST] 細個嗰陣好開朗好爽朗 但係越大越冇自信
是咁的，小妹今年16
細細個嗰陣性格好外向 好開朗 ，好鍾意講嘢 朋友都有ok多 。小學成績算中上 雖然唔係話讀得超開心 ，但小學都有美好回憶。
之後先到一間band 1A嘅中學 ，都識到d朋友 但成績就真係好差 未算最差 ，但基本上就係 全班尾嗰d人 都一定有我份 。
f1啱入去嗰陣其實都好進取 做班會 做科長 做風紀，但好景不常， 因為成績太差就試升f2 ，自從嗰陣之後就咩都唔做 諗住專心d讀書 ，f2之後我就越來越少參與學校d嘢 f2最後都升到班， 之不過f3 嗰年就開始 越來越想收埋自己 ，best frd唔同曬班 跟住識左幾個新frd之後 佢哋又慢慢疏遠我 ，我重來都唔鍾意勉強 同埋R friend， 所以我冇挽救我哋嘅友誼，咁我哋就冇乜再一齊挽，f3結果留左班 ，從讀一年，repeater就冇咁容易識frd同融入 ，但都還OK。
之不過 自重開始停課， 我本身個人都已經冇乜自信心 ，跟住停課之後少左同人傾偈交流 ，搞到自己唔係好識處理人際關係。我仲好想收埋自己， 之後去左外國讀書 ，更加難去融入 ，首先本身自己性格慢熱 ，同埋因為開始自卑而變得冇自信 變得好內向 ，好驚自己成為焦點 ，好驚自己會比人望住，好驚做d自己平時唔會做嘅嘢，就連可能講d嘢都會好怯。 我去嗰到冇乜亞洲人 ，雖然唔係語言問題 ，但真係喺與人溝通 待人接物 方面出左d問題。 好似突然有社交障礙/人群恐懼，雖然應該唔係好嚴重。我依家呢邊d人 由細識到大， 但我插班入嚟 搞左幾個月都熟唔到 ，仲有三個月到就返香港。我真係好邊緣。