#NSS學校
[St Paul-你哋估吓邊間] 我真係唔明白點解會有啲咁嘅老師。我哋學校有個老師就叫佢Teacher A 啦，佢真係好乞人憎，以下有8宗罪狀：
1. 極度偏心
呢一行應該好多老師都有，但係，佢竟然可以因為偏心一個學生，無論佢做出嚟嘅功課或者project最後成果係點，永遠都會將佢個份列為最好，有其他嘢都會好少勞煩佢哋。另外，佢成日都分唔清我哋啲班，偏偏就要我哋講嗰位人士個名出嚟，佢先會知道「哦原來係XXX嗰班，點解佢唔嚟嘅？」
2. 唔識欣賞
我哋每年都要做一個project，上年，我哋跟學號十個人一組，同佢哋zoom 咗最少十個鐘，先勉強完成嗰project 仲要跟足晒佢啲要求，例如：每一版要幾多張相，font size 呢啲等等。花咗好多心思，但係，佢最後都係非常不滿，仲問點解我哋個project 咁(follow 佢哋要求)我作為group leader 嘅，真係好難做。今年，我哋要做另一個project，呢個project，我重複再重複咁做咗好多次，佢又不斷喺度唔滿意，係咁話我哋，最後甚至無視左我哋。為咗呢個project，我做咗5 個 PowerPoint，仲要唱埋歌，edit 聲帶⋯⋯有一次我仲做到凌晨一點。我哋其實個個都花咗好多心思好多時間落去佢呢啲咁冇用嘅project，但係佢始終係不斷批評，仲要係非常之直接，有一次，我真係頂唔住，上完佢堂之後喊咗出嚟。
3. 話自己好叻但係完全唔知自己做緊啲乜嘢
Teacher A 成日都覺得自己好叻，但係作為學生嘅我吔都知佢錯得好離譜，同佢講又唔聽，當自己大晒咁。
4. 教其他科
Teacher A 負責嗰科都算係一科唔太重要嘅科目，所以佢就成日好鍾意教其他科，佢自己講「我除咗覺X 之外，我仲會教IT啊，一帶一路啊，我教好多嘢㗎。」佢自己嗰科都未搞得掂，就去學人教埋呢啲嘢，而家每堂都喺度教一帶一路，成日都同我哋講一帶一路嘅重要性、目的同埋有幾厲害。
5. 永遠遲放
唔知佢係真心聽唔到吖，定係好冇時間觀念，落堂打鐘嘅時候，佢成日都好似聽唔到咁，唔會放我哋走，但係佢之後嗰堂係主科，仲要而家每堂得30分鐘，佢成日都會霸左後面嗰科最少10分鐘，仲要好無辜咁。
6. 上堂遲到賴學生
我哋之前Zoom上堂，佢試過最嚴重遲到咗成堂40分鐘，有師姐話佢哋見到Teacher A喺度hightea緊，不過呢個唔重要。佢有到力嘅時候，就問我哋點解冇提佢要上堂，仲話我哋搞到佢好似唔記得咗要上堂咁。之後嗰一堂，班長特登喺WhatsApp睇咗佢，不過佢依然係遲到。
7. 上堂講政治
佢之前又成日話「我上堂呢就唔講政治嘅」之後嗰句就一定係有關政治，我而家唔係企緊喺啲咩立場，但係佢講嘢真係可以好令人敏感。
8. 非常愛國
Teacher A好鍾意讚揚中國，之後就要貶低其他國家，係乜嘢範疇上面都可以講，例如用一帶一路來做例子，佢成日同我哋講「中國好強大，用一帶一路去連接其他國家，你知其他國家都幾弱，所以中國就可以幫到佢哋，一大一路真係好偉大呀」呢啲類似嘅嘢。
再講多兩個近期發生嘅事例-
a) 有一日上緊堂嘅時候，突然之間佢部電腦嘅Skype有message send過嚟，咁首先我就見到有位老師唱整Wi-Fi啦，就咩食除然後就打咗俾佢想測試下，然後就ignore 咗，再講：「我唔知點解呢啲人會帶過嚟」之後，有另一位學生係Skype度打俾佢，佢聽電話嘅時候，首先好惡咁樣問：「邊個嚟㗎邊個嚟㗎？」咁個學生就好似已經退咗學，但係佢個Skype Account就somehow link 咗去佢部電腦度，就問Teacher A可唔可以log out 佢個account，因為係呢段時間，佢啲補習老師會打過嚟。之後佢就好嬲，又好惡咁樣話：「我唔識呀，你整個第二個Account啦！」咁但個account 就係用咗嗰位學生嘅學校email同埋Google建立嘅，但係個老師都唔聽，仲同佢講話「叫你啲老師唔好帶過嚟啊！」其實logout 都係要咁兩個制姐，咁鍾意教IT，但係連logout一個Account都唔識🙄我哋就喺度討論點解佢咁開咁衰，跟住到佢好似好理所當然，仲要好似個受害者咁，同我哋講「呢部係學校嘅電腦，我唔知點解佢個Account嚟咗呢一度，我都唔知佢做乜要打過嚟」我覺得佢真係好過份囉！
b)我哋上堂可能唔係取消佢，但係知我哋笑，即使唔出聲，佢都立即鬧我哋，仲叫我哋出去唱歌或者讀嘢咁。然後，我哋學校Wi-Fi好差，但係佢教書嘅範圍都係需要喺網上面，當日冇咗Wi-Fi嘅時候，可能就會問隔離借來睇吓，或者尋求幫助，然後佢就話：「睇嚟我真係要開始罰人喇」
次次上完佢堂，心情都係非常之差，我都唔明白點解我哋學校可以請埋啲咁嘅老師翻嚟，坦白講，大把學生都叻過佢，喺我哋學校教書，簡直係不勞而獲，伯伯嘥咗我哋學校嘅金錢。我知道自己文筆唔好，但係都係時候要攞出嚟同大家講呢個世界上係有啲咁嘅人，順便發洩一下。
唔知道大家對呢位老師有啲咩睇法，定係你哋學校有更加恐怖嘅老師呢？請大家隨便留言。