#NSS愛情
[GUEST] 最近有件事令我極度心煩，諸事不順，於是我就想喺度訴說我內心煩惱。
小弟今年中四，第一次投稿，請各位多多包涵。
其實成件事喺咁，有個半半地熟嘅朋友(A)察覺到我鍾意另一個女仔(B)不過我又冇即場否認，之後順便認埋佢，最最最重要係千祈唔好同人講。可惜事與願違，A周圍唱。結果某日B約我單獨同我講:“你知唔知A周圍講話你鍾意我， 我地都係做朋友…….” 跟住我好尷尬咁一邊假笑一邊講okok 。
說實話，我暗戀咗B都有近1年，雙方一直以來都有溝通，而且件事發生前，B曾經表明過佢唔想拍拖，而我都唔打算表白，純粹做朋友就已經心滿意足。
但係件事發展到呢個地步，視若無睹，尷尬到近一星期冇講過嘢，對眼1秒都尷尬到想嘔(利申非同班同學) 。 我真心好想修補呢段關係，坐時光機去返事發前，但係我又唔知應唔應該由我出聲先。
好想失憶，忘掉好難，心好痛，如何是好…….