#NSS個人
[GUEST ] 以下係長文，希望停落嚟睇嘅各位可以留心低
A：曾經鐘意嘅男仔 B：曾經最好嘅BFF
上年4月A提議我哋三個約出嚟一齊飲酒，點知飲飲下就見到佢哋兩個係我面前曖昧(同我好熟嘅人都知我鐘意咗個A幾年「A有問過我係咪鐘意佢，我無否認」，包括B在內)，個心勁唔舒服，又唔可以行開，為有狂灌醉自己，飲到嘔咗幾次，因為我好想逃避呢個放係眼前嘅事實。當時覺得個天好似開玩笑，咁糟蹋我個心，April Fool咩依家？醉咗之後有幾次試過走咗去、跑咗去，最後比A拉返埋去，跟住睇住佢又繼續同B曖昧
（幾年前嘅我曾經有諗過自殺，係A從呢個絕望救返我出嚟，所以係我嘅嘅救命恩人，亦都係我最信任嘅人）
係嗰個月入面，我變咗中間人，一直聽住兩邊日日講對方…到佢哋發生咗性行為，B喊住咁打電話比我話驚自己有性病(我個陣聽到差啲笑咗)，因為發生呢件事之前我已經有抑鬱，件事發生之後，變得更抑鬱，思想變到扭曲晒，事後成日要去睇精神科醫生，但食咗頭4個月抗抑鬱藥已經無再食(哈) 但估唔到扮無嘢又扮祝福佢哋會變成咁⋯⋯（btw個陣無人知我有抑鬱，神奇）
B喺上年8月搵過我，問我係咪想絕交，做咩block曬，又話可唔可以同佢傾下…..個陣我情緒仲悲怒起伏勁大啦，見到佢寫埋呢啲野火都埋。就算真係無發生過性行為，開玩笑會唔會大咗啲呢
而家負面情緒比起個陣好咗好多，不過有時見到某啲嘢、去過嘅地方都令我諗返起同A一齊曖昧個陣嘅美好回憶⋯⋯仲有！我變得比起以前更抗拒愛情，應該係話更抗拒異性XD
(曖昧嗰幾年有次我返part-time佢嚟探我，好耐都唔走，但之後有過爭執，有段時間係學校見到佢都怒啤，嬲咗佢成年先同佢和好。之後又friend返：一齊出街食飯幾次咁)
———————————————————————————
我之後開咗個fake acc follow 咗佢哋兩個，原本諗住睇吓佢哋變成點
男嘅：又有新囡囡，對方未成年；睇到女嘅上佢床瞓覺嘅post(幾次)
加上佢原來係渣男，有過3次性行為(連埋B嘅話，唔洗問點解，A曾經同我講曬，第一次仲要係同唔識嘅添（哈♾）同埋無再聯絡過
:::::::::::::::::::::::::::::::::::::::::::::::::::::::::::::::::::::::::::::::::::::::
B：讀進修學院識成班新frd，遇到大家都識嘅小學同學一齊搞學生會，日日好開心。而家好似有男朋友。同佢無晒聯絡
———————————————————————————
一年睇幾次精神科，每個月又要見社工report近況，啲負面情緒隨時返嚟，攰㗎大佬！其實我有諗過係咪所有嘢都係我一手搞成咁，如果冇叫B，係咪唔會發生咁嘅事，冇人有害傷
而家疫情底下，上一兩個月學又開始第二輪long term online lesson，喺學校我都係比較專心聽書drop notes個啲，而家…心又散，動力0；呢幾個月唔係瞓就食，同豬無分別
我今年dse ，但到而家仲未溫…..係溫唔到先啱，簡直係讀屎片，頹咗咁耐，我終於有少少動力係做下啲mock卷(唔多)，希望睇完呢篇野嘅，可以順便幫我打下氣🙏🏻Thx