#NSS愛情
[GUEST] Admin po ig pls🙇
小弟今年F1，係班上識咗個女仔，佢幾好人，我哋彼此之間都會傾心事，所以我信任佢，佢都信任我。
漸漸地，我發現自己鍾意咗佢，之後我鼓起勇氣同佢表白，佢只係笑而不語。
點知第二日，佢竟然突然同我講：「不如我哋試下，合適再繼續？」嗰陣我係好驚訝，因為我冇諗過佢真係會答應，嗰陣簡直係我人生最開心嘅一刻。
但之後，佢話想停呢段感情，因為覺得我哋都未夠成熟，正因為我真心鍾意佢，所以我決定尊重佢呢個決定，並且約定五年後再喺埋一齊，當時佢係應承咗嘅。
點知之後有個friend同學爆料，我先知佢只不過係喺度hea我，喺度呃我，佢根本冇真心鍾意過我💔，咁我就開始質問佢，佢就話係佢啲friend用佢個account幫佢答，我心諗嘩diu你咁嘅藉口都講得出嘅，既然你根本就唔係鍾意我嘅，何必當初要咁做呢？仲咩要應承我？更甚嘅係，我極度懷疑佢將呢件事同佢啲閏蜜講，班上絕大部分嘅女仔都係佢啲friend，自此啲女同學好似係咁避開我。。。
我之前已經受過一次情傷，而家再傷多一次，我而家幾乎無法信任何人，覺得佢哋只會呃我，有冇人可以話比我聽我應該點做？😥
Sorry for 1999
Thanks admin