#NSS個人
[快樂花花幼稚園] 唔知大家對水晶有咩睇法？係咪真係好老土？
小妹今年中一，啱啱開學，因為比啱啱先開始熟嘅幾個朋友杯咗（我無乜朋友，佢地可以話係我僅有嘅朋友，其他基本都係Hi Bye frd）至於點解佢哋要咁做我都唔知。仲有就係升上中學啲科目比我想像中難好多，家人對我期望又好高，第一次成績出嚟考得幾好，但咁樣反而搞到我更大壓力。
總之種種原因搞到我好似有情緒病咁，我成日都會唔開心，心情好差，甚至會自殘（我知我抗壓能力好低），我基本上試過所有辦法，例如同人傾訴，或者用讀書轉移壓力呢啲都無乜用，嗰排係IG見到啲水晶嘅廣告，好多好評，我就同自己講，我買一條可以穩定情緒嘅，如果唔work我就同屋企人講，去睇醫生。
其實我當時根本就唔信帶水晶就可以搵定到情緒又可以有咁多功效，我只係想畀個理由自己下定決心去睇醫生，於是我就買咗一條月亮石。
我帶咗大概兩個禮拜之後就發現自己好似真係唔再咁Care自己有無朋友，可能嗰排考試，又或者係我自己嘅心理作用？
咁我之後就一路帶住，雖然有陣時都會突然唔開心，但個情況真係好左好多，跟住我就買多咗一條，仲買埋消磁石，唔知算唔算入坑。
我啲水晶都係自己儲零用錢買，屋企人亦都唔反對，因為我唔係買得好瘋狂掛（我淨係得3條）
咁我平時返學都會帶住，因為宜家着冬季校服，長袖可以遮住，咁我有一次攞嘢嘅時候唔小心比我後面嗰個睇到我條水晶，（我同佢唔太熟，通常佢要問我嘢我哋先會講嘢）咁佢就IG dm我話我做咩帶水晶，我求其敷衍咗幾句諗住算，點知佢又話咩嘢你咁迷信，仲話呢啲嘢係上一輩先會做嘅嘢。
所以我想問吓大家帶水晶係咪真係好老土？宜家係咪無人會帶？
sorry講吓講吓講咗咁多，可以當係比我發洩一下。
係望唔會有錯字，已經檢查咗好多次，有啲1999唔好意思。（admin唔該舖係IG）