#NSS學業
[[ GUEST ]] 唔知大家對hotel management呢科嘅認識有幾多， 今日想以過來人嘅身份同大家講下我對做酒店業嘅感受。
首先，我覺得你一定要好有興趣先可以揀呢科。 雖然做邊行都會有壓力，但酒店業真係特別受氣， 因為始終屬於服務性行業，就算你喺五星級酒店做嘢，都有機會成日比客人鬧。 我之前喺五星級酒店 做front desk嘅時候， 身邊啲朋友都話好羨慕我，佢哋覺得做front desk好型。 我聽到真係得啖笑，因為真係有苦自己知……
另外，雖然我知道職業無分貴賤， 但容許我好坦白咁講， 其實做酒店係低技術工作， 做酒店根本唔需要讀咁多書， 例如你喺酒店入面做廚房或者負責調酒， 其實真係唔需要花咁多錢讀大學； 做front desk嘅話只要有比較好嘅溝通能力就已經得； 幫客人執房、洗廁所就更加唔洗講，根本唔使讀書都會識做。 而且呢行嘅流失率好高， 好多人讀完hotel management嘅degree都唔會做酒店業， 因為你返完intern之後你就知味道😂，做酒店辛苦到同做奴隸冇乜分別。
最後， 相比起其他行業，酒店業比較難升職， 呢個問題喺行內已經出曬名。 除非你本身有親戚呀、叔伯兄弟係酒店嘅高層，如果唔係你真係做好多年小薯先可以升到少少。 再加上而家有武肺，全球經濟環境都好差， 酒店業係數一數二打擊得最大嘅行業。 做酒店本身人工已經唔高， 而家市道咁差，人工比之前更加低。
總括而言，你真係要好有興趣或者好捱得，先好揀讀hotel，近年大把做酒店嘅人想走都走唔切😂😂😂。 可能有人睇完成篇文之後，會覺得我貶低緊呢個行業， 但如果你有讀過hotel / 有喺酒店業做過嘢， 你哋就會明白我以上講嘅嘢全部都係事實……
圖Link: https://ibb.co/0GGHcf6