#NSS家庭
[skhlkmss] hello,小妹而家f.1，最近父母有離婚嘅念頭.
講返少少家庭背景先，爸爸份人不嬲好顧家，脾氣少暴躁;由於媽咪係做護士+極度潔癖，所以成日唔喺屋企，自然冇乜同爸爸傾偈，不過佢哋感情不嬲都冇乜問題嘅。
前幾日，我爸爸突然之間脾氣勁好咁同我+阿哥傾偈啦，傾傾吓佢喊咗出嚟(因為佢第一次喺我哋面前喊)，佢話想同媽咪離婚，因為佢哋性格好唔同(媽咪潔癖;所以成日覺得爸爸好污糟)，我同阿哥一聽到佢哋要離婚就忍唔住喊咗，嗰日佢都講咗好多道理俾我哋聽，叫我哋生性，要做個有用嘅人.
自從嗰日之後，佢個人勁down,之前佢成日氹我哋開心，個人都好樂觀。但係而家明顯feel到變哂。琴日我同佢出街，見到佢電話裏面將媽咪通訊錄嗰個名由”老婆”轉咗做”前妻”💔。我成日都因為呢件事喊，心情好差，因為佢哋之前都有話離婚，不過過幾日就好返，但係今次佢哋冷戰咗成個月。
我真係好唔想佢哋離婚，我可以點做呀💔.
Sorry for 1999