#NSS學業
[GUEST ] 長文慎入!!!長文慎入!!!
小妹今年中一，呢排我姨媽舅父都開始移民去英國，咁我有親戚就係一年前嗰度去咗英國讀書先，喺視像電話嗰度佢話佢係英國讀書好輕鬆，覺得自己pick up好好，咁我姨媽舅父都有游說我阿媽去英國，咁本人係想去英國，因為喺我間學校度讀書讀書真係好大壓力(band one top)成日都讀書讀到喊，見我啲親戚係英國讀書都讀得好開心，本人係好羨慕同埋好嚮往，再加上我係啲度讀書嘅成績都係中上，覺得自己去英國讀書都應該會pick up 到，但係而家嘅問題係我阿媽死牛一邊頸，諗嘢有啲似藍，成日都話英國唔好點唔好點好，我心諗如果英國真係唔好嘅話點會有咁多人去啊，起碼係好過喺呢一度自生自滅。
咁經過我親戚啲兩個月嘅游說，阿媽同阿爸都開始心動，都開始諗緊，想問吓如果去咗英國讀書嘅你，而家嘅學習環境係點樣？
Sorry for really 1999