#NSS學校
[guest] 欺凌者
見近排有好多post都講緊有關校園欺凌嘅事，喺度都想講返少少自身嘅經歷。細個嘅時候份人好乞人憎，好容易妒忌人從而去憎人又或者挑釁離間，對朋友嘅控制慾亦都好強烈。某程度上係因為自身缺乏安全感，但當然依個絕對唔係合理化欺凌呢個行為嘅理由。
小學嗰陣時成日言語上去欺凌人，甚至有一班女仔一齊去排擠人。諗返起嗰時嘅自己係好可悲，究竟係無聊同自卑到一個點樣嘅地步先會做啲咁樣嘅嘢。 認真嗰句，真係有自身體會先會知道畀人欺凌係一樣點樣嘅感覺。
到咗中學嘅時候，就有俾人排擠返，每一日聽到嘅冷言冷語都令我好明白做衰嘢真係會有報應，以前做過所有嘅嘢今日一次過承受返。
即使而家已經走出陰霾，但係仍然覺得好後悔同埋好對唔住所有小學嗰陣時畀我言語欺凌過嘅人。好明白當時你哋嘅感受，真係好對唔住。
喺度致所有嘅欺凌者，唔好低估咗你一言一語帶畀人嘅傷害，你今日所做過嘅嘢第時可能都會有返同樣嘅報應，所以好盡快收手同埋同返人say sorry。