[Guest]

#NSS學校

[[Guest]] 呢件事發生喺我小學嘅時候，宜家計翻，都有幾年啦…下面將會長少少，煩請大家用多少少你嘅寶貴時間睇埋佢🙏
喺2017年5月16號上晝，我啱啱翻到學校，原本我去完廁所，打算入翻去課室，就喺呢個時候，我就比一個叫朱莉嘅同學阻擋我，唔比我入去，原因係佢話我地班某兩個叫歐陽同子豐嘅同學相戀，話如果我地其他人入去會打攪佢地產生感情😂於是就唔比我入，後來繞讓10分鐘，我入得去，之後我就冇再放心上。
到當日食lunch，班主任陳芝蘭（真名）叫包括我在內嘅一行人出班房，話:「你地今朝做過d咩，你地個個心知肚明，你地放學前同當事人道歉，（下列所有嘅懲罰佢只要求我一個達成）寫四百字悔過書，悔過書上要有家長評語以及家長簽名，不得冒簽，不得代家長寫comment，不得拖延作文字數，最好將悔過書內容讀一次比屋企人聽，不得寫任何抗辯理由喺悔過書度，不得先請家長寫評語同簽名再寫悔過書，否則後果自負，最後，再寫一篇50字嘅英文diary」（ps:好多舊生反映佢完全唔睇英文diary，佢收齊唔會睇，直接揼入垃圾桶，但佢話叫人些diary係想同學改善英文水平，就連本人亦親眼目睹佢撕爛同棄置嘅過程），然後我覺得好冤枉，差d喊咗，我後來同咗爸爸媽媽同家姐講，經過尋找後，我終於揾到當事人歐陽同學為我作證，證明我未曾做過，唔問唔知道，一問嚇一跳，原來歐陽同學話唔係佢狀告我（係子豐告），佢都一頭霧水，但非常清楚知道我冇做過，佢願意同我第二日作證，證明我冇做過，同時叫我唔好寫diary，因為我冇錯
第二日，老師催促收diary同悔過書嘅時候，我話冇得交，因為冇寫，冇寫係因為我冇做過，同時我傳召歐陽同學作供，點知佢打退堂鼓，話唔知發生咩事，後來我先知道佢比個老師恐嚇，不得作供，當時係食lunch嘅時間，得30分鐘食，陳芝蘭老師要求我寫埋diary同先可以食飯，最後我含淚寫埋佢，然後佢居然話唔收，要我帶翻屋企，然後要留堂，寫埋400字悔過書先可以翻屋企，當時我寫完翻到屋企，比屋企人睇，屋企人已經知道當日發生嘅所有事，睇完我篇悔過書，即刻火山爆發，嬲到將悔過書撕爛揼落街，並且書面通知個老師，話5.18話上學校鏟佢。
5.18早上，佢問我悔過書有冇做，我話有，但交唔到，佢先鬧我，然後問原因，我話我老母睇完嬲到撕爛揼落街，你有需要去我大廈個檐篷揾，並且話我冚家會下晝黎鏟死佢，佢睇完後書面通知冇反應，小息叫我當住半班同學面前admit我有做過，我話我冇做過，佢話如果唔承認就見家長，我仍然話冇，佢話再唔認即刻見訓導記過（後來案發後先知原來訓導撐我），我被迫承認有，話我自己有做，然後叫我重寫悔過書，我即刻打電話比屋企人，屋企人趕到，接我早退，話如果唔係佢上緊堂，一定鏟佢先走
放學我屋企人同我去投訴佢，佢第一句係:你冇事嘛同學，我見你早退，我好擔心呀，我老母:你唔好假惺惺，我仔係有事，不過係比你激到唔開心，然後陳芝蘭仍然堅持扮唔知，後來又改口話我已承認有做（佢折磨到我承認），後來老師堅持自己冇錯，關鍵時刻，我話佢成日鬧同學手抽筋，腳抽筋，哮喘發作，脊椎斷裂，骨折等等（的確係事實），佢仍然唔認，結果最後佢冇向我道歉，但佢被陳*文校長（真名）照肺，副校親自慰問我，老師結果？冇鬧同學有病啦，不過佢言行舉止當同學係狗，開口埋口話sit，hand…
經過呢件事後，我心入面仍然有條刺，心情久久不能平復，最可悲嘅係，當年有同學比個老師屈到入廠兩日，結果被佢屈嘅果個女同學居然撐老師，部分人都調轉槍頭…
多謝各位用咁耐時間睇完我呻，對於有任何字眼冒犯，我先向大家apologize，亦多謝大家咁有耐性去睇🙏🙏我唔知應唔應該開學校同校長嘅名，歡迎大家比comment，至於陳芝蘭呢個名，係真名黎…
sorry for 1999