#NSS愛情
[九龍一間中學] 我覺得自己鍾意咗一個好靜嘅男仔
小妹今年f2，留過班嘅，比同級嘅人大一年左右，我唔肯定自己係咪鍾意咗個男仔(下稱h)，但就係會無時無刻都諗起佢
f1我同h同班，外貌普普通通咁，佢係好靜同埋似係內向嗰啲人，又可以話h只會同D熟嘅人傾偈，其他嘅人都會特別少理，咁啱我又同佢分咗同一組，一開始我都覺得佢好靜成日都唔講嘢，根本溝通唔到咁，但係慢慢我同佢因為啲小組活動而多咗溝通，然後就咁熟咗，會同佢周不時一齊打機，佢打機超勁🤧，但係去到f2，我哋就分咗唔同嘅班，又斷咗聯絡，所以見到面都冇同對方打招呼，勁尷尬
前排就有個friend叫我download某個game一齊玩，而嗰個friend係同h好熟嘅，咁組隊嗰陣就會成日都拉埋佢入嚟，但係唔知係咪因為我喺度，所以佢成日都唔開咪，聽唔到佢把聲🥲依家我哋日日都有一齊玩，因為我係新手所以成日都會雷到佢，但係佢都冇介意過，仲成日保護我，賽後次次都like我，又話我已經打得好好之類嘅嘢，我唔知佢對其他女仔係咪咁，但係我覺得佢真係好好，從來冇嫌棄過我
我諗過h有冇鍾意過我，但自問自己冇樣冇身材，都唔知佢會鍾意我啲咩，我都有諗過同h表白，但係我驚表白完佢拒絕就可能連friend都冇得做，而且連踏出嘅勇氣都冇，我高又高過佢，年紀又大過佢，真係好驚佢一個男仔接受唔到呢啲特徵，同時又好驚錯過佢，但係我又唔敢100％肯定我真係鍾意佢，呢件事我連我最好嘅朋友都冇講到，所以希望大家俾啲意見我應該點做，多謝你睇到嚟呢度
Sorry for 1999