#NSS其他
[Admin pls post(;´༎ຶٹ༎ຶ`) 長文抱歉(;´༎ຶД༎ຶ`)] 其實我係屬於嗰啲人補習就會成績好差嘅人，咁我而家已經轉走咗啦，但係都係好想分享返之前嘅事。
我之前就去咗一間補習社，係由小學開始就喺嗰度補。記得有一次，我聽到個老師講我壞話啦（因為之前都講過好多次，仲要係當住我面）咁我勸過都冇計，我咪講返佢。之後佢就發晒脾氣，喺度大嗌話我喺度鬧佢，就同左我屋企人講。咁理所當然嗰晚我就比阿媽係咁打啦，第二日阿媽就逼住我同佢鞠躬90度道歉。而且我好清楚同屋企人交代左係佢講我，而且好多次，但屋企人都覺得係我錯⋯
後來我就升咗上中學啦，我補習就係因為有嘢唔識，咁我去問佢哋，佢哋就會黑我面之後係咁鬧我，同埋講啲侮辱我嘅嘢（點解你呢啲咁嘅人都會入到嗰啲精英班？之類嗰啲）而因為小學嗰件事我都唔係幾夠膽出聲，咪由得佢哋幾個人圍住一齊鬧，咁我都忍住⋯
後尾要考試，佢俾咗份卷我做，之後就冇理過我，但我唔識做，佢就直接撕爛咗份卷叫我走，叫我唔好再返去補習。而嗰陣時屋企人都仲係好盲目咁覺得係我嘅問題，係老師對我好先鬧我啦，繼續逼我返去，之後我好記得次次返見到佢都係黑着面，之後當住我面喺度講點解你仲喺度㗎？
雖然已經過咗好耐，但而家諗返起都仲係好唔開心，好想喊。加上之前都聽到，佢同啲而家補緊習嘅人，講我話要自殺啦之後又話要轉老師啦，之後等一大班人一齊來諷刺我（但係我根本冇諗過同講呢啲嘢）其實係咪成績唔好就一定要受呢啲對待⋯就一定要俾人侮辱？