#NSS家庭
[Guest] 有冇人屋企啲老人真係好討厭
我同阿爺阿嫲一齊住，不過佢哋啲行為真係令到我好反感。佢哋係50年前由內地嚟香港，到而家連廣東話都未識講，經典藍絲。又自私又固執又貪心又鬼鼠又驚死又傲慢
以下為事例：嫌太長嘅話睇其中一個就得
一丶好貪小便宜，區議員一派嘢就即刻叫我衝落去攞，我去個廁所稍為遲咗半分鐘就喺度狂鬧我。
二丶好多怨氣，成日講人壞話，日日都聽到佢哋喺度嘈，每日起身到瞓覺都聽到。馬雲.特朗普.黃之鋒.我.阿爸.阿媽.堂妺等等全部俾佢鬧過晒，而且仲大聲到我上堂答問題開個mic都錄到。跟住我做功課唔得閒，阿爸幫我買飯洗碗之類嗰啲，佢哋就喺度話我衣來伸手飯來張口，我又唔係唔願意做，佢哋只係搵地方撩
三丶自私驚死，有一次我發燒(武肺前)佢就好大力咁閂我間房，逼我係屋企戴口罩，我去廁所成個樣歧視我咁，好有惡意，仲攞對手遮住佢個口，真係好乞人憎。
四丶佢哋一知道政府全民檢測，打疫苗就即刻叫我同阿爸去預約第一批，逼我哋打科興，我同佢講科興有效率得50%同埋16歲以下唔可以打佢就話我自私造假，懶醒咁話佢全部睇得出，後尾俾個新聞佢睇就無視我扮聾
五丶佢哋間房係我隔離，次次經過就伸個頭望入嚟，一有少少唔妥就嘈我，例如20度開風扇，被冇摺好等。好冇禮貌，我心諗關佢L事。我閂門就喺度鬧我
以上只係部份，全部都係真人真事，有啲仲要日日重複，我真係頂唔住呢種生活，想問吓大家有冇方法解決，我唔想再忍受
純粹分享，有冇人同我一樣