#NSS個人
[GUEST] sor for 1999
文筆唔好，錯字勿屌
小妹今年中三，係要選科嘅一年，唔知係咪要選科嘅關係，今年嘅壓力大咗好多，但係呢個壓力令我變到更努力聽書，都仲消化到嗰種壓力，當然最後喺first term test度攞到幾好嘅成績，雖然攞到好成績好開心，但係壓力就變大咗，因為個排名升得太快啦，我中二嘅final result係全級50幾，但係突然變咗全級25名，真係太快啦，搞到我好驚，我好驚俾人追到上嚟，又好驚keep唔到嗰陣嘅成績，始終嗰一次都只係成個中三嘅第一個test
喺test完之後，就要預備exam，嗰陣喺十一月尾嘅時候停課，由實體課轉咗去網課，但係原諒我自制力差，一上網課就唔專心，淨係掛住玩手機，導致我喺要考嘅嘢淨係識一半(exam同test之間嘅period中間突然停課)，嗰陣時我就開始驚啦，我完全唔知我可以點算。去到exam前一個禮拜，我先開始溫書，但係咁樣好明顯係唔可行，就係咁，我淨係帶住半桶水嘅知識同埋之前講到嘅壓力去咗exam
喺考嘅過程入面，有好多嘢都係識嘅，都有好多嘢唔識，到最後考完感覺份卷都唔算特別難。去到最後派成績嘅前一日，我先開始緊張，個人超級焦慮，連要返學校攞成績都唔想返，我唔想面對我嘅成績，咁當然都係要返學㗎啦，返到學校攞完成績發現今次嘅成績不如理想，主科得英文ok，其餘嗰兩份炒到離晒大譜，喺嗰一刻我已經知道我今次嘅級排名一定會大跌
去到近排派埋exam嘅成績，果不其然，級排名直接跌咗十幾名，然後我又開始驚啦，我驚自己升唔返上去，其他人一直都喺度追緊成績，我遲佢哋一步，我驚追唔上佢哋呀，我阿媽成日都同我講話我對自己太嚴謹，唔應該咁重視成績，雖然成日都話求學不是求分數，但係冇分數就乜都唔係，同埋我根本就係咎由自取，所以我先會咁緊張
所以我想問吓各位ching，有冇啲咩方法可以提高上網課嘅自制力？同埋壓力太大應該要點樣舒緩？我唔識點樣舒緩壓力