#NSS個人
[Guest] 單純放負！！！！sor for 1999
我真係好討厭我阿哥，個人睇落勁污糟，塊面超多暗瘡，仲要肥（79kg），個頭無論有冇洗都係咁油，間房有惡臭嗰種。
前面單純係外在特徵，跟住先係重點，佢真係集合咗所有我討厭嘅特質，例如唔問人見到枱面有張廿蚊就攞走，有啲嘢食又唔問邊個嘅直接食，煮完嘢食唔自己洗碗，仲要寸，佢之前同我阿媽講話想電髮，然後我阿媽話你搞掂好讀書啲嘢先（ps:佢成日唔翻學，唔交功課），我阿哥就開始發脾氣，ban（我唔知道正字應該係咩）門，之後就開始勁大聲播歌（好似係咩火炭麗琪？？？）自己仲要跟唱，總之就係唔滿足大少嘅要求就會開始發癲，播歌超大聲，我上堂要開mic嘅時候照樣播，完全唔care人哋感受。
我是但講一個事例啦，即係有一次我阿爸叫我阿哥曬衫，我阿哥就毛啦啦叫醒我叫我幫佢曬衫，咁我嗰陣匕人叫醒曬衫仲要係叫阿四嗰種語氣，我就嬲嬲地所以曬咗幾件唔想曬。然後佢見到之後就嚟鬧我做咩唔曬好啲衫佢，咁我就同佢講阿媽又唔係叫我曬點解要我曬，總之就爭論咗一番，佢鬧我點解唔曬衫（佢個解釋係嗰陣要翻學所以唔夠時間），我就話你咁多時間鬧我點解唔自己搞掂。跟住我都嬲然後閂門，佢就叫我開門去曬衫，我唔肯開佢就一直踢我對門撞我對門同用鎖匙（我嗰陣7咗條鎖匙放咗電視櫃隔離）開我房門，我頂佢唔順就開始喊（我係嗰種一嬲就喊嘅人），佢就話我除咗喊咩都唔識，總之就一直話我點點點啦，最後就係佢出咗門口，我同咗阿媽講（佢大我三年，我唔講嘅話真心怕佢打我我都冇還擊之力，佢連阿爸阿媽都打），翻到屋企當咩事都冇發生。
其實總之就係我真係好討厭佢，甚至到咗憎恨，係佢話想自殺（之前佢年三十晚嗰陣喺阿婆屋企講粗口我阿爸鬧佢佢又發癲之後自己連口罩都冇戴就走人）我都完全冇擔心嗰種，恨不得佢快啲離開我嘅世界。
我宜家對於自己呢種心態真係唔知點講，好多人都話咩血濃於水，點都好佢都係我阿哥（我阿爸阿媽親戚成日咁講），就算我幾討厭都唔可以鬧佢話佢，但係我真係想講，點解我要忍受佢啲脾氣？我阿媽成日都唔畀我喺佢面前反駁佢，一係就踢我對腳或者啤我，真係唔明，佢可以肆無忌憚咁發癲我就唔可以反駁幾句？
我唔討厭我阿爸阿媽，畢竟佢哋親手養大我，但係我真係好討厭我阿哥，我阿爸成日都話佢其實好愛我，只不過在心中（WTF??????）。我想知道，其實我呢個心態係咪正常？如果唔係，我應該點樣克制自己嘅怒火？