#NSS其他
[Guest] 我（女）
朋友A（女）生日嗰個朋友
朋友B（男）鍾意朋友A，但係朋友A唔知
話說，我有個朋友佢前兩個禮拜生日，咁A就約咗我同B一齊慶祝，咁約好咗之後B就問我一齊夾錢買份禮物畀A好唔好，咁我當然應承，最尾我哋亦都夾錢買咗兩份禮物畀A，提返兩份禮物個差價講緊係百幾蚊，咁我就負責帶份禮物返屋企。
但係，臨慶祝前幾日B就話屋企人唔畀佢出街，咁我同A兩個都明白，就打算兩個慶祝，而我就同B講我會同A講返份禮物係我哋兩個夾錢送，過一陣之後，B就突然打電話同我講，叫我同A講話貴啲嗰份禮物係佢送，平啲嗰份禮物係我送，我聽到嗰陣呆咗，但係我就覺得係因為B鍾意A，唔想A誤會我同B有嘢先咁講，所以就應承咗。
到最後份禮物送畀A嗰陣我真係接受唔到，如實同A講返份禮物係兩個夾錢買，咁樣其實我會唔會好過份，我明明應承咗B，但係最尾就如實同A講。成件事係好小學雞，但係我真係心接受唔到一開始B自己約我去夾錢買禮物，然後叫我去講大話，我唔知B咁做有咩目的，唔知B咁做想點，定其實係我太小氣？