#NSS個人
[GUEST] Po ig pls ,thx admin.
小妹今年15，唔知點解係我從細到大個社交關係都有問題，係我上咗中學個問愈嚟愈問題嚴重。
上咗中學之後，我都有一兩個小學同學上咗呢間中學，嗰陣仲未識其他朋友，多數同佢哋傾吓偈咁。去到學期中，我都識咗一小群朋友，尤其有兩個唔太好嘅朋友教壞我，教我食煙飲酒講粗口界手，但去到一段時間佢哋唔同我挽，我嗰陣仲好幼稚咁用問卷方式咁問佢哋係咪憎我（諗返起我自己好戇鳩），跟住成件事不了了之，喺果段時間我都冇咩朋友陪我挽，直情冇出過街，呢啲我都可以接受到，但係去到中一考試嗰陣，有一班女仔無啦啦喺度bully我，又話我好串，之類嗰啲，果段時間真係我最難捱，加上成績唔太好成日比我屋企人話，基本上每日瞓覺都係諗一件事，點樣自我了結，我手腕都係好多界手嘅痕跡。佢到中二，我終於識到一兩個朋友，加上疫情咁啱開始終於可以唔使見到bully我嗰班人，我嗰陣係比較舒服，冇咁焦慮。但去到中三，唔知點解啲朋友個個都好似好憎我，我唔知自己做錯啲咩，或者其他問題，我感覺係佢哋裏邊我係一個異類，我最好嘅朋友都係咁，雖然佢冇顯露出來但我都睇得明。我真係唔明點解會變成咁，我只係知道我係比較自卑嘅一種人，唔太同人哋夠眼神接觸，表面睇落去好積極好樂觀，但係成日覺得呢種積極係好戇鳩，好似小學生咁。
以上就係我所講嘅問題，如果有咩錯字嘅話可以下面講返出嚟,sorry for 1999 orz=