#NSS個人
[School] 話說小弟今年17歲今日返part time啦，冇耐見到個最高嘅送餐點嘅女仔，我望佢條女長得咁高樣都普普通通啦，我望佢個時唔小心被佢發現我望緊佢，仲要互相對視咗幾秒，我下一秒將我眼神返返去吧台前做我一定要專心做嘅嘢，但唔知點解突然做下做下就覺得有D尷尬，之後我認為係一個有時會發生呢件事覺得好正常所以冇乜特別在意，點知佢係我面前行過我就整個人就突然離曬魂咁樣，分曬神完完全全集中唔到我要做嘅野，係佢面前整野食等上盤交畀佢處理，我仲要手震震攞住嘢食畀佢，心跳跳得好大力，眼睛係咁不斷望嚟望去，腦海全部都係佢個身影，過程期間我係咁不斷忍下忍下扮無事發生過。之後我聽人講原來佢有男朋友，我有諗住放工想主動搵佢做Fd但係我估我哋兩個都feel到好感所以唔敢搵佢做fd 。最令我意想不到嘅野就係，我放工打卡之前佢竟然主動請我食朱古力wo，我一時衝動唔小心講咗「唔好意思我食咗一粒」（我真係真係食咗一粒），之後佢行開咗，咁我就係佢睇唔到之下攞咗4粒朱古力（btw朱古力真係幾好食），我邊食邊諗，佢好心請我食朱古力我應該要點樣報答返佢，同埋我好好地做乜要無端端搞人哋條女，但係呢仲感覺對我嚟講真係好辛苦，有冇人可以話畀我聽點樣解決呢種感覺！