#NSS愛情
[Guest] 一個月前分左手 但係我仲係放唔低對方
佢近排唔舒服 份人好似變自卑左 我好擔心 但係佢好似真係已經放低左我同佢之間嘅感情 好正常咁生活 我問佢咩事 都係普通回覆 就真係朋友之間同朋友之間嘅關係 我由原本暗戀 拍拖 再返去暗戀 原本以為自己可以擁有 但我再次失去
我明白我性格唔好 成日無端端發脾氣 但係我每次發完真係好後悔 點解自己把口咁賤 我地嘅嗜好明明一樣 唔係玩唔埋 我成日覺得 係咪因為我把口太賤 鐘意講粗口 所以你唔再鐘意我？係咪因為我生得樣衰？所以唔鐘意我 今日見到其他女仔IG tag 你 好似好親密咁 我真係真係個心好唔舒服 但係我再無資格去問候你 去關心你 我只係你生活中嘅一個路人甲 明明已經分手 但係你仲係成日蝦我 笑我 好似當我小朋友咁 但係平時講野都會尷尬 我都係好享受 我情願你鬧我 幾難聽都好 都唔想失去呢段朋友嘅關係，雖然已經少左一齊玩…或者我係咪仲有可能可以同你係翻埋一齊？你真係好好…… 有無人可以教下我點放低呢段感情 或者試探下佢仲係咪鐘意我 雖然可能性好低 我都明白自己好矛盾 但係我都係想發洩下 希望各位要屌都屌細力啲
Sorry for 1999
Admin po ig plz