#NSS家庭
[GUEST] 我真係好憎我阿哥
由細到大 佢都好似有暴力傾向咁
成日打我 鬧我 叫我做野 話我肥 話我生好多暗瘡好醜樣
每次屋企人都會同我講佢係愛我 只係唔同方式
佢今年23歲都嚟緊 仲讀緊IVE repeat左唔知幾多次
次次都萬幾萬幾 晒左屋企好多錢 我屋企唔有錢
為左供佢讀書 我媽咪每日返工返到好辛苦 周身病痛
但佢就可以日日唔洗返學返工咁樣 係屋企打機瞓覺出街
因為屋企房唔夠 由我出細已經申請大屋 但到依加都未申請到
所以我瞓廳 而電腦都係廳
佢夜晚會打機打到好夜 就算其他人要返工返學都好
佢依然係唔會理 仲會叫到好大聲 又開燈 又食煙
我已經好多晚比佢嘈到瞓唔到 叫佢細聲啲係永遠唔會聽 因為佢晚晚食好多煙 令我氣管好差 又令我皮膚變到好差好差
但相反係佢要瞓個陣 又唔比人出一粒聲
我依加中四 功課比較多 考試又要溫書 有時會做到好夜 11-2點咁樣 要開燈 佢要早瞓個時又會發曬脾氣咁鬧我得未 做完未溫完未
食飯佢會食曬啲野唔留比人食 會好冇禮貌對屋企人
到底佢憑咩咁做？
點解我連食飯錢都唔敢拎 只敢洗自己利是錢 但佢就可以日日出街買名牌買貴鞋亂洗錢？
仲有佢會偷錢
媽咪嘅出街家用銀包同返工銀包會分開
出街銀包會放係屋企 我地要食飯個啲拎錢係個到拎 但要同返媽咪講
我阿哥係會拎完唔講 之後夜晚媽咪放工返嚟再問佢拎錢
媽咪發現唔見錢 就鬧爸爸係咪佢拎 我唔知點樣同媽咪講其實係阿哥拎 因為我好驚同左媽咪講阿哥會打我 佢係我細個試過拎把刀對住我嚟鬧 好大力推我
我好唔明點解佢個人會咁樣 可以咁黑人憎咁討厭
我真係憎到好想殺左佢 佢真係好自私好討厭
依件事我一直都唔敢同朋友講 我唔想比佢地覺得我屋企好有問題
但我真係唔知點樣再面對佢 點樣解決啲問題
我好辛苦 我唔想面對依個屋企
多謝大家睇到依到 祝願大家嘅生活都好美好