#NSS個人
[Guest] 除咗呢度我已經唔知可以去邊度搵人，希望可以出post幫下我
我係單親家庭長大，自從我阿媽係我細個果陣走左之後，我阿爸開始有情緒問題，成個人變左，唔肯返工日日留係屋企不停發脾氣，仲要我阿哥返工養曬成家，我阿哥可能覺得好委屈，就同我阿爸一齊當我出氣袋咁發洩，係咁搵野黎鬧我，講好多侮辱既說話，唔比我溫書撕爛我功課，夜晚凌晨特登開大電視聲唔比我訓教，仲有好多次想殺死我，拎把刀想砍我，cool住我條頸之類，阿哥仲要性侵過我，雖然唔嚴重但每次諗起都唔好受，仲有好多野我唔敢諗起，佢哋令到我好細個已經有抑鬱症。
呢幾年去睇左醫生，確診左重度抑鬱症同創傷後遺症，上上年同上年因為病發太辛苦成日返唔到學。今年屋企人對我好左，我終於好返少少，點知前幾日我阿哥失戀，又開始好似以前咁拎我出氣，仲要叫埋阿爸一齊鬧我打我，呢次係呢幾年入面鬧得最嚴重嘅一次，嘈得好緊要已經係咁叫我去自殺。
我由細到大都過得好辛苦，一直都想自殺但冇獨處嘅時間，上年知道有時鐘酒店之後 已經買好自殺要用嘅野諗住今年去酒店了結自己，仲做左好多放棄自己既事，但真係到左今年我突然開始想比自己一個機會去好好生活，我岩岩先滿18歲好多野都唔識，想搵個同我差唔多大嘅女仔同我夾租搬出去住，我會開始好好返工好好生活。我諗都好難搵到..但我真係唔想死住
Sorry for 1999 因為屋企人唔比我訓 我好攰