#NSS個人
[Guest] 辛苦晒admin🙏🏻
小妹第一次投稿 多見諒 篇文有少少長
我近呢一兩年經常諗埋啲負面嘅野，其實我生存係呢個世界有咩意義，點解阿爸阿媽要生我出黎，點解我咁冇用之類既嘢。我有諗過跳樓，但係我冇咁嘅勇氣，我試過𠝹手。
我冇同屋企人講，我之前諗住同佢地講，之後我試探佢地，問佢地覺得如果我自殘你會點諗。佢地就話「成日諗住自殺自殘個啲人都係有問題，生佢出嚟都廢嘅。如果比我知道你自殘你就唔好認我地做老豆老母」我之後就再冇提過呢件事。
我之前有拍過拖，嗰段時間我情況好左少少。冇乜點再向個方面諗。但係幾個月前分左手。我又開始好似以前咁頹，其實可以話情況係衰過以前。
之前考試就因為呢件事，我成績唔係咁理想，但係我控制唔到自己，我做咩都冇動力，覺得就算努力左都唔會有好結果。之後我又開始覺得很煩，係咁𠝹手，我唔想再咁落去但係我唔知應該點做好。
sor for 1999（如果要屌屌細力啲）