#NSS社會
[[ GUEST ]] 每當有人用英文投稿， 就會有好多人留言:「 用返中文啦唔該、 」、「 睇英文真係好攰。」 今日我想同大家講下我對呢啲留言嘅睇法。
老實講，雖然我自己都稱唔上係英文超級好嘅人，但我覺得英文唔好都唔緊要，英文唔夠好，咪努力去學囉。 之前嘅年代，例如我哋爸爸媽媽，甚至公公婆婆嘅年代， 佢哋可能因為家境貧困而失去教育嘅機會， 所以佢地唔會識英文，甚至連中文字都未必識得曬。但而家呢個世代，香港基本上個個細路都有書讀，而且科技發達， 要學好英文根本唔難， 係睇你有冇心㗎姐。宜家唔係叫你一定要識日文、識韓文、識泰文，但英文係國際性語言， 世界各地都通用( 除咗某國 )， 所以香港人要識英文係咪真係一件咁離譜嘅事？？？
另外，香港係一個國際大都會， 有唔少外國留學生、母語唔係廣東話嘅人。 所以希望大家唔可以咁自私，唔好assume每位投稿者都識中文。 何況佢地好多時都並非用緊一啲好深奧嘅詞語， 好多時候，佢哋只不過係用緊一啲好基本嘅詞語、句子結構。 咁既然佢哋打嘅野根本唔難明， 咁點解大家唔可以嘗試細心閱讀佢哋打嘅嘢， 從而慢慢去學好英文呢？(利申: 雖然我明白佢哋打嘅嘢唔係全部啱， 有機會錯grammar、串錯字等等。) 但學習嘅過程就係要不斷去摸索， 先有機會進步。 所以希望大家唔好再咁抗拒睇用英文投稿嘅文， 咁樣只會顯得你哋好無知、 好幼稚， 拉低曬香港人嘅質素。
最後，我再重申多次， 英文差唔緊要，差嘅話，就諗辦法去學， 就係咁簡單。 身為一個土生土長嘅香港人，的確有責任守護廣東話， 但唔代表大家可以忽略英文呢個國際性語言。
圖Link: https://ibb.co/7K0dyZN