#NSS個人
[guest] 第一次投稿 麻煩哂咁多位admin
小弟今年14歲，半年前係網上識左個大我一年嘅女仔，彼此之間咩都會講 心事都會講下咁
但係慢慢呢種關係變咗一種依賴
有一次佢同我講佢同屋企人去staycation ，因為我哋晚晚都會傾計但係突然之間有一晚冇同佢講嘢，令我好唔自在亦都好孤獨。嗰晚我喺張被入面，好耐都瞓唔著，亦都係嗰個時候開始發現我對佢有一種依賴。
去到正常返學嘅日子，我每日諗嘅唔係考試而係放學之後可以同佢傾計，每次起身第一時間就係同佢講”早晨” ,放學之後我就會講”我放學喇你呢?”變咗例行公事咁，我啲friend見到都話“佢係你邊個搞到你日日都要咁樣同佢講嘢， 係唔係女朋友？” 我每次都答返佢哋“咪傻啦“ 雖然我真係可以表白，但係咁樣會破壞我哋嘅友情，表白係一個非常之唔負責任嘅行為
去到某一晚我飲咗少少酒，講嘢唔係咁清醒，咁啱我哋講到關於男女朋友嘅話題，佢問我“如果你有女朋友我會點？“ 我答唔出，因為我好清楚知道當我有女朋友我哋關係唔會好似而家咁樣，就算佢有男朋友都會係咁。我終於發覺到問題有幾嚴重，依賴變咗一種共存嘅模式冇咗佢好似唔得咁。
究竟我應該要點做……
多謝你睇到呢度, sorry for 1999
”