#NSS學校
[Guest] 純粹抒發感情
我依家讀緊band1A-1B 中學，算係區內名校
仲讀緊菁英班
講真
可能個人能力有咁上下
壓力又無咩
但係我係人際方面有少少問題
F2果陣曾經因為一件事 我有少少封閉自己社交圈子
果陣我由次菁英班升到菁英班
同我一齊升嘅有差唔多10個人
我主要係同佢哋傾偈
但係我本身偏外向 識新人都無所謂
所以當時係主動同本身菁英班嘅學生傾偈
但係點知佢哋好似覺得自己特別優秀咁
覺得我地係靠好運/死背書先上到呢班
佢哋表現出黎態度唔係咁友善
有一次我問左佢哋，借佢哋支筆嚟睇吓
本身佢比我睇，但係後來另外一個同學就無啦啦係我手到拎返枝筆走
我愕然左 點解可以咁樣 我雖然面皮唔薄
但係佢好似覺得我喺度偷嘢咁 眼神都好兇惡
自此以後我唔敢同唔係好熟嘅人主動打招呼
F4又有同學從非菁英班升上黎
我想同佢打招呼 做朋友
但係完全唔敢 我驚我又會好似上次咁 心靈受到傷害
仲有 其實我同佢哋（菁英班大部分學生）都性格不合
我用左三年慢慢將自己變成佢哋咁
但係都仲係我覺得我好似佢哋嘅小丑咁
我依家班上面有朋友 叫做係有一個正常社交圈子
佢哋喺做群體功課嘅時候會叫埋我
我又唔叫被排擠 只係心裡面一直都唔係好舒服
因為其實同佢哋相處好辛苦
唔知依家係好定唔好
Sor for 1999同埋無標點